میری زبان پھسلی کیونکہ۔۔ ڈاکٹر نبیحہ کا شادی میں کروڑوں کے کپڑے اور زیورات پر نیا بیان! مشی خان کو بھی سنا دیا

Dr Nabiha On Wedding Dress And Jewellery

ڈاکٹر نبیحہ علی خان ایک معروف ماہرِ نفسیات، میڈیا پرسنالٹی اور سماجی کارکن ہیں جو ہمیشہ مردوں کے حقوق کی بات کرتی نظر آتی ہیں۔ یہی وجہ ہے کہ وہ خاص طور پر مرد ناظرین میں بے حد مقبول ہیں۔ اب وہ اپنی زندگی کے ایک نئے سفر کا آغاز کر چکی ہیں کیونکہ حال ہی میں ان کی شادی ان کے دیرینہ دوست حارث کھوکھر سے انجام پائی ہے۔

نکاح کی تقریب کے بعد سے ہی ڈاکٹر نبیحہ علی خان سوشل میڈیا پر چھا گئی ہیں۔ وجہ بنی ان کی وہ ویڈیوز جن میں انہوں نے اپنے عروسی لباس اور زیورات کی قیمتیں بتاتے ہوئے کہا کہ ان کا جوڑا ڈیڑھ کروڑ روپے کا ہے جبکہ ان کے زیورات کا وزن 40 تولہ یا جیسا کہ انہوں نے ایک ویڈیو میں کہا 35 کلو ہے، جس کی مالیت تقریباً دو کروڑ روپے بنتی ہے۔ ان کے شوہر نے بھی ان دعوؤں کی تائید کی اور کہا کہ ان کی اہلیہ واقعی قیمتی جوڑا اور زیورات پہنے ہوئے ہیں۔

تاہم، اداکارہ مشی خان نے اس دکھاوے پر شدید ردعمل دیا اور ڈاکٹر نبیحہ کو "نمائش اور غرور" کا طعنہ دیا۔ مشی خان کے مطابق، کسی نکاح کو سادگی سے انجام دینا چاہیے، نہ کہ مہنگے زیورات اور قیمتوں کے چرچے کر کے۔ مشی خان کا کہنا تھا کہ ڈاکٹر نبیحہ اپنے فالوورز کو غلط تاثر دے رہی ہیں۔

تاہم اب ڈاکٹر نبیحہ علی خان نے خود تسلیم کیا ہے کہ قیمتوں کے بارے میں ان کے بیانات درست نہیں تھے بلکہ یہ سب زبان کی پھسلن کا نتیجہ تھا۔

ساتھ ہی مشی خان کو جواب دیتے ہوئے انہوں نے وضاحت دی کہ وہ دراصل لاکھوں کہنا چاہ رہی تھیں لیکن گھبراہٹ میں کروڑ بول گئیں۔ ان کا کہنا تھا کہ، میں تو کروڑوں میں ہی سوچتی ہوں، جو بھی پہنتی ہوں وہ خودبخود قیمتی لگنے لگتا ہے۔ لوگوں کو چاہیے کہ مجھ پر اتنا دھیان دینا بند کریں۔