بچے بھوک سے تڑپتے تھے آخر مجبور ہو کر ۔۔ 60 سال کی عمر میں خاتون کو مزدوری کرنے کی ضرورت کیوں پیش آئی؟

ہمارے معاشرے میں خواتین کو ہمیشہ مرد سے کمزور اور نازک سمجھا جاتا ہے۔ یہ ایک عام خیال ہے کہ گھر صرف مرد چلاتا ہے اور اگر وہ نہ ہو تو عورت کا خود کا کوئی وجود نہیں ہے وہ کچھ نہیں کر پائے گی اکیلے، لیکن لوگ یہ بات بھول جاتے ہیں کہ جو عورت مرد کو دنیا میں لا سکتی ہے وہ کچھ بھی کر سکتی ہے۔

آج ہم آپ کو ایک ایسی باہمت خاتون کے بارے میں بتانے جارہے ہیں جو ایک ماں ایک بیٹی ایک دادی ہیں، جنھوں نے نہ گرمی دیکھی نہ سردی بلکہ مسلسل گزشتہ 35 سالوں سے تندور کا کام کر کت اپنے گھر کی روزی روٹی کا نظام چلا رہی ہیں، آئیے ان کی کہانی جانتے ہیں

شیخوپورہ سے تعلق رکھنے والی 60 سالہ اماں، جو کہ گھریلو مجبوری، بھوکے بچوں اور ظالم پیٹ کی خاطر اتنا محنت کش کام کرنے پر مجبور ہوگئیں لیکن ہمت نہیں ہاری۔ اماں نے بتایا کہ، "میرا شوہر نشہ کرتا تھا اور ہر وقت نشے میں ڈوبا رہتا تھا جس کی وجہ سے گھر میں فاقے پڑنے لگے، آخر تنگ آ کر اپنے بچوں کو پالنے کی ذمہ داری میں نے لے لی، کیونکہ میں انھیں ایسے برے حال میں مرتا ہوا تو نہیں چھوڑ سکتی تھی۔ بس تبھی میں نے باہر نکل کر کام کرنے کا فیصلہ کیا اور تندور پر کام شروع کیا، اس سے گھر کی روزی روٹی چلتی رہی اور میں نے اسی سے کما کر اپنے بچوں کی شادیاں بھی کی اور عمرہ بھی کیا"۔ اماں نے مزید بتایا کہ "میرے تین بیٹے اور 2 بیٹیاں ہیں جن کو میں نے اکیلے پالا ہے، جبکہ شوہر کے انتقال کو 11 سال ہوگئے ہیں۔"

لوگوں کا برتاؤ:

اماں کہتی ہیں، "اس معاملے میں، میں بہت خوش نصیب ہوں کیونکہ میرے اردگرد ایسے لوگ تھے جنھوں نے مجھے پریشان کرنے کے بجائے میری حوصلہ افزائی کی، میری دکان کے آگے ہی پولیس اسٹیشن ہے وہاں کے اہلکار بھی میری بہت عزت کرتے ہیں"

By Humaira  |   In News  |   0 Comments   |   357 Views   |   28 Nov 2022
Related Articles
Top Trending
Comments/Ask Question

Read Blog about بچے بھوک سے تڑپتے تھے آخر مجبور ہو کر ۔۔ 60 سال کی عمر میں خاتون کو مزدوری کرنے کی ضرورت کیوں پیش آئی؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بچے بھوک سے تڑپتے تھے آخر مجبور ہو کر ۔۔ 60 سال کی عمر میں خاتون کو مزدوری کرنے کی ضرورت کیوں پیش آئی؟) and how to utilize other natural ingredients to cure diseases, easy recipes, and other information related to food from KFoods.