بیوی کے علاج کروانے کے پیسے بھی نہ تھے، فرش پر سوتے تھے ۔۔ مشہور بابا فوڈز کے شیف رضوان نے سموسے کے ٹھیلے سے کیسے اپنا کاروبار یہاں تک پہنچایا؟

سموسے کا ٹھیلا لگانے والے آج ملک کے بڑے شیف میں شمار کیے جاتے ہیں۔ یوٹیوب چینل سے مشہوری حاصل کرنے والے بابا فوڈز کے شیف رضوان کو کون نہیں جانتا آج ۔۔ آج یہ سب کو کھانا بنانا سکھاتے ہیں اور اپنا دسترخوان بھی لگاتے ہیں۔ کل تک جو ملک کے بیرون علاقوں میں رہتے تھے اور ایک چھوٹی سی دکان پر کام کرتے تھے آج دنیا کے 7 ممالک کی سیر کرچکے ہیں، وہاں کھانا بنانا سکھا چکے اور اپنا کاروبار بھی پہنچا چکے ہیں۔ شیف رضوان نے اپنی زندگی میں ان تمام مشکلات کا سامنا ڈٹ کر کیا جو اللہ کی جانب سے ان پر آئیں، لیکن سب کا سامنا کرکے آج کامیابی کی راہ حاصل کرلی۔ شیف رضوان کچھ روز قبل نجی ٹی وی کے شو میں آئے جہاں بات کرتے ہوئے انہوں نے اپنے ماضی اور اب تک کہانی شیئر کی۔

اپنا گھر بنالیا؟

شیف رضوان خود یوٹیوب چینل پر کھانے بنانے سکھاتے ہیں اور ان کے بیٹے رامش ان کی مدد کرتے ہیں۔ انہوں نے بابا فن کے نام سے دوسرا چینل بنا رکھا ہے جس میں یہ اپنی زندگی سے روزمرہ کی چیزیں، خوشیاں اور باتیں شیئر کرتے ہیں۔ ان کے بیٹے نے اپنی والدہ سے وی لاگ میں بات کرتے ہوئے ان کے جذبات جاننا چاہے جس پر والدہ رو پڑیں اور کہا کہ جن لوگوں نے برے وقتوں میں ستاھ دیا وہی رشتے آج ساتھ ہیں۔ میری ماں نے میرا بہت ساتھ دیا آج جو کچھ بھی ہے وہ اللہ کا کرم ہے۔ جائیدادوں کی حیثیت کچھ نہیں رشتوں اور محبتوں کی اہمیت ہوتی ہے۔