موقع ملے تو جوانی میں ہی حج کریں کیونکہ۔۔ بابر اعظم کی ماں جی کے ساتھ حج سے واپسی! گھر میں استقبال کے خوبصورت ویڈیو مناظر

“حج کی نیت پوری رکھنی چاہیے۔ ہمیشہ بڑوں سے سنتے آئے ہیں لیکن اب میں بھی یہی کہوں گا کہ اللہ کے گھر جانے کی نیت رکھنی چاہیے۔ بلاوا آ کے ہی رہتا ہے“

یہ کہنا ہے پاکستان کرکٹ ٹیم کے کپتان بابر اعظم کا جو آج ہی حج سے واپس پاکستان لوٹے ہیں۔ بابر اعظم کرکٹ ٹیم کے دیگر ساتھیوں کے علاوہ اپنی والدہ کے ساتھ حج کے لئے گئے تھے اور دونوں کا واپسی پر گھر والوں کی جانب سے بھرپور انداز میں استقبال کیا گیا۔ ویڈیو دیکھیں

ویڈیو میں دیکھا جاسکتا ہے کہ بابر اعظم کے قریبی عزیز ان کے استقبال کے لئے ائیر پورٹ پہنچے ہوئے ہیں۔ گلاب کے ہار بابر اور ان کی والدہ کو پہنائے جاتے ہیں۔ بابر اعظم اپنی والدہ کو “ماں جی“ کہتے ہیں۔

حج جوانی میں کرلینا چاہیے

راستے میں قومی ٹیم کے کپتان سے ان کے حج کے سفر کے بارے میں پوچھا جاتا ہے تو بابر کہتے ہیں کہ حج صرف جوانی کا ہی ہوتا ہے کیونکہ اس وقت آپ کے پاس طاقت ہوتی ہے۔ حج میں مشکلات آتی ہیں جو ہم جیسے جوان انسان جھیل سکتے ہیں۔ ہم کو گرمی میں کھیلنے کی پریکٹس ہے لیکن ماں جی کی ہمت کی داد دینی چاہیے کیونکہ انھوں نے حج کے دوران بہت حوصلے سے کام لیا۔

گھر میں ہار اور گلدستے سے استقبال

جیسے ہی بابر کی گاڑی ان کے گھر کے باہر رکتی ہے بابر دوڑتے ہوئے اپنے گھر کی طرف لپکتے ہیں جہاں ایک بار پھر ان کا استقبال گلاب کے پھولوں کے ہار اور گلدستے سے کیا جاتا ہے۔ اندر جا کر بابر اپنے تمام بلے دیکھتے ہیں اور گھر والوں سے ملتے ہیں۔