شرٹ استری کرنا اور لنچ دینا بھول جاتی تھی.. ایشا دیول کی طلاق کی وہ معمولی وجوہات جس نے کئی ہنستے بستے گھر اجاڑ دیے

بالی وڈ کی ڈریم گرل ہیما مالنی اور دھرمیندر کی بیٹی ایشا دیول نے فلم انڈسٹری میں قدم تو رکھا لیکن خاطرخواہ کامیابی نہ سمیٹ پانے کی وجہ سے جلد ہی فلمی دنیا کو خیر باد کہہ دیا اور شادی کر لی. البتہ ازدواجی زندگی کے 12 خوشگوار سال گزارنے کے بعد ان کی شادی کا انجام بھی طلاق پر ہوا.

گزشتہ دنوں ایشا اور بھرت تکھتانی سے ایک دوسرے سے علیحدگی کا اعلان کیا تو میڈیا نے وجہ جاننے کی کوشش کی. اگرچہ ایشا دیول نے اس حوالے سے اس وقت تو کوئی بات نہیں کی البتہ 2020 میں ان کی لکھی گئی کتاب "اماں میا، اسٹوریز، ایڈوائس اینڈ ریسیپیز فرام ون مدر ٹو این ادر"، میں انھوں نے اپنی ناخوشگوار ازدواجی زندگی اور شوہر کے رویے کا ذکر کیا.

ایشا نے لکھا کہ "دوسری بیٹی کی پیدائش کے بعد میرے شوہر بھرت کو لگتا ہے میں انھیں نظر انداز کرنے لگی ہوں. میں انہیں زیادہ توجہ نہیں دے پارہی کیونکہ میرا زیادہ وقت رادھیا کے پلے اسکول اور میرایا کو دودھ پلانے میں گزر جاتا ہے. میں کتاب لکھنے کے ساتھ پروڈکشن میٹنگز بھی کیا کرتی تھی، جس پر شوہر شکایت کرنے لگے، مجھے بھی اپنی کوتاہی کا احساس تھا اور مجھے یاد ہے کہ وہ ٹوتھ برش مانگتے یا انکی شرٹ استری کرنا بھول جاتی اور جب دفتر جاتے تو یہ چیک نہیں کرتی کہ انہیں کیا لنچ دیا گیا ہے"

بھارتی میڈیا کا کہنا ہے کہ ہپیےوہ ممکنہ وجوہات ہوسکتی ہیں جنھوں نے آگے کا کر طلاق کا رخ اختیار کر لیا. اگرچہ شادی شدہ جوڑوں میں ایسے مسائل پیش آتے ہیں لیکن ان کا حل کسی نفسیاتی ماہر یا گھر کے بڑوں کے زریعے تلاش کیا جاسکتا ہے.