ڈیڈ میں آپ سے پیار کرتا ہوں۔۔ مرنے سے پہلے بیٹے کی بنائ ہوئی تصویر کو ہاتھ پر گدوا لیا! باپ بیٹے کی جذباتی کہانی

“میرا بیٹا بہت نرم دل، دیکھ بھال کرنے والا اور بہت پیارا تھا۔ وہ ہر کام کو بہر انجوائے کرتا تھا۔ کافی چھوٹا تھا لیکن اس کے ساتھ احساس ہوتا تھا جیسے میں اپنے دوست کے ساتھ ہوں۔ اور پھر وہ اچانک مجھے چھوڑ کر چلا گیا“

یہ الفاظ ہیں رچرڈ پرنگل کے جنھوں نے صرف ایک سال قبل اپنے چھوٹے سے بیٹے ہیوگی کو کھویا ہے۔ رچرڈ انگلینڈ کی ایک ریاست ایسٹ سسیکس میں رہتے ہیں۔

رچرڈ نے بتایا کہ ان کے بیٹے کو چوٹ لگی تھی لیکن اس کے خون بہنے کا امکان بہت کم تھا البتہ اس کا خون بہت زیادہ بہہ گیا اور بالآخر اس کا انتقال ہوگیا۔ مرنے سے کچھ دن پہلے ہیوگی نے ڈرائینگ بنائی تھی جس میں اس نے دل کی شکل بنا کر آئی لو یو ڈیڈ لکھا تھا۔ بیٹے کی محبت کو محسوس کر کے اور اسے ہمیشہ زندہ رکھنے کے لئے رچرڈ نے بیٹے کی ڈرائینگ کو اپنے ہاتھ پر گدوا لیا۔ وہ کہتے ہیں کہ اس طرح وہ ہیوگی کو ہمیشہ اپنے ساتھ رکھ سکتے ہیں۔

رچرڈ نے اس حادثے کے بعد دنیا کے تمام والدین کو ایک پیغام دیا جس میں ان کا کہنا تھا کہ “میں نے اپنی زندگی اور بیٹے کو کھونے کے بعد یہ سبق سیکھا ہے کہ خوشگوار لمحوں کی زیادہ سے زیادہ تصاویر لیں ان کی آواز ریکارڈ کریں تاکہ جب اپنے کھو جائیں تو آپ ان لمحوں کو دیکھ کر انھیں یاد کرسکیں۔ لڑنے کے بجائے پیار کریں۔ اپنوں کو اور خاص طور پر اپنے بچوں کو گلے لگائیں۔ ان کے لئے وقت نکالیں اور گھومنے جائیں۔ چیزیں خریدنے کے بجائے اچھا وقت گزاریں کیونکہ مجھے یہ یاد نہیں کہ میں نے ہیوگی کے لئے کیا خریدا تھا لیکن یہ یاد ہے کہ میں نے اس کے ساتھ کتنا اچھا وقت گزارا تھا“۔