نمونیا سے بچنا ہے تو صرف 2 منٹ یہ کام کریں۔۔ ہر سال 50 ہزار لوگ اس بیماری سے مر جاتے ہیں! جانیں اس سے بچانے والی آسان عادت کیا ہے؟

سردی کے موسم میں نمونیا کا مرض تیزی سے پھیلتا ہے. جو کمزور جسم والوں کے لئے جان لیوا بھی ثابت ہوسکتا ہے. بین الاقوامی تحقیق کے مطابق آج بھی ہر سال 50 ہزار افراد نمونیا کی وجہ سے موت کا نشانہ بنتے ہیں البتہ حالیہ تحقیق میں اس بیماری سے بچانے والی عام سی عادت سامنے آئی یے جس نے سب کو چونکا دیا ہے.

امریکہ میں بوسٹن کے بریگھم اینڈ ویمنز اسپتال میں وبائی امراض کے ماہر سیلینا ایرنزلر اور مائیکل کلومپاس نے 15 کلینیکل ٹرائلز کے ذریعے ڈیٹا جمع کیا جس میں 2,700 سے زیادہ مریضوں پر کی گئی تحقیق کے مطابق روزانہ دانت صاف کرنے سے پھیپھڑوں کے عام انفیکشن کا خطرہ کم ہوجاتا ہے۔

اس تحقیق کے مطابق جو لوگ یا تو روزانہ کئی بار اپنے دانت صاف کرتے ہیں، یا اپنے منہ کو اینٹی سیپٹک ماؤتھ واش دھوتے ہیں ان کی نہ صرف صحت مجموعی طور کافی اچھی رہتی ہے بلکہ گلے میں بیکٹیریا یا دیگر وائرس جو پھیپھڑوں کے انفیکشن جیسے نمونیا کا سبب بنتے ہیں ان سے بھی تحفظ حاصل ہوتا ہے.

ماہرین کا کہنا ہے کہ سرد موسم میں نمونیا سے بچاؤ کے لئے صفائی ستھرائی کا خیال رکھنا ضروری ہے اور روزانہ صرف 2 منٹ دانت صاف کرنے کی عادت سے نمونیا کا خطرہ بڑی حد تک ٹالا جاسکتا ہے.