مجھے مانگ کر پہننا اچھا نہیں لگتا اسلیئے ۔۔ اسماء عباس نے ڈیزائنر کپڑے پہنے سے متعلق کیا کہہ دیا؟

پاکستانی شوبز انڈسٹری کی جانی مانی سینئر اداکارہ اسماء عباس نے حال ہی میں ایک پروگرام میں انٹرویو دیتے ہوئے اس بات کا انکشاف کیا ہے کہ وہ ڈیزائنر کپڑے نہیں پہنتی ہیں۔

شو کے دوران میزبان کی جانب سے پوچھے گئے سوال پر اسماء نے جواب دیتے ہوئے کہا کہ، "میں اپنے کپڑے خود ڈیزائن کر کے، خود سلائی کرتی ہوں اور میرا اپنا ایک چھوٹا سا برانڈ ہے جسے کا آغاز میں نے صرف اپنے شوق کی وجہ سے کیا تھا اور میرے برانڈ کے کپڑے بہت مناسب قیمت پر دستیاب ہیں جنہیں کوئی بھی آرام سے خرید سکتا ہے۔"

اسماء عباس نے ڈیزائنر کپڑوں کے حوالے سے بات کرتے ہوئے کہا کہ، "میں نے کبھی ڈیزائنرز کے کپڑے نہیں پہنے کیونکہ مجھے مانگ کر پہننا پسند نہیں، میں اپنے کپڑے خود ہی بناتی ہوں، اس لیے میں خود ہی اپنی ڈیزائنر ہوں اور میں خود ہی اپنے آپ کو پسند ہوں۔"

کاسمیٹک سرجری کے بارنے میں کئے گئے سوال پر ان کا کہنا تھا کہ، لوگوں کو اپنی خوبصورتی کو برقرار رکھنے کے لیے اسکی مدد لینی چاہیے لیکن اتنی بھی نہ لیں کہ قدرتی خدوخال کو تبدیل کروا کر مائیکل جیکسن ہی بن جائیں۔