ایک اداکارہ نے کہا کہ شوہر کی نوکرانی نہ بنو اور۔۔ نتاشا علی کے شوہر کیا کام کرتے ہیں؟ نجی زندگی سے متعلق دلچسپ باتیں

"ایک اداکارہ نے مجھ سے سوال کیا کہ میں اپنے شوہر کے کون کون سے کام خود کرتی ہوں تو میں نے بتایا کہ میاں کے جوتے پالش کرتی ہوں اور ان کے کپڑے استری کرتی ہوں جس پر انھوں نے کہا کہ شوہر کی نوکرانی بن کر نہ رہو، انہیں سیدھا سیدھا جواب دے دو۔ یہ سن کر میں نے وہ میرے شوہر ہیں اور ان کے کام کرنا میرا فرض ہے، جس پر وہ محترمہ چپ ہوگئیں۔"

یہ کہنا ہے اداکارہ نتاشا علی کا جنھوں نے ایاز سموں کے شو میں شرکت کرتے ہوئے اپنی نجیزندگی سے متعلق کئی باتیں کیں.

نتاشا علی کا کہنا تھا کہ انھوں نے کووڈ کے دوران سادگی سے شادی کی. ان کے شوہر سول انجینئر ہیں کراچی کے اعلیٰ محکمے میں ملازمت کرتے ہیں۔

نتاشا علی نے بتایا کہ ان کے مداح انہیں ان کی آنکھوں اور زلفوں کی وجہ سے پہنچان لیتے ہیں اس کے علاوہ جب وہ ہنی مون پر مالدیپ گئیں تو بھارتی مداحوں نے پہچان لیا جس پر ان کے شوہر نے سب کو گوگل پر شادی کی تصاویر دکھاتے ہوئے آگاہ کیا کہ نتاشا ان کی بیوی ہیں۔ مداح یہ سن کر بہت خوش ہوئے

شادی کے متعلق ان کا کہنا تھا کہ اب ان کی زندگی اور عادتیں تبدیل ہو چکی ہیں، انہوں نے مثال دی کہ شادی سے پہلے انھیں شوٹنگ پر دیر ہوجاتی تھی انہیں نیند سے اٹھنے میں مشکل درپیش ہوتی تھیں لیکن شادی کے بعد وہ جلد جاگ جاتی ہیں۔