ماں بنی تو بہت موٹی ہوگئی تھی پھر۔۔ ایشوریا رائے نے بیٹی کی پیدائش کے بعد وزن کیسے کم کیا؟

“ہم اداکارائیں ہیں لوگ ہم پر تنقید کرتے ہیں لیکن میں اس بات کا زیادہ اثر نہیں لیتی کیوں میں ماں بنی ہوں اور اس میں وزن بڑھتا ہی ہے۔ لیکن اداکاری میں واپس آنے کے لئے وزن کم کرنا پڑا“

یہ کہنا کسی عام خاتون کا نہیں بلکہ کئی دہائیوں تک لوگوں کے دلوں پر راج کرنے والی سابق ملکہ حسن ایشوریا رائے کا ہے۔ ایشوریا جب ماں بننے کے مرحلے سے گزریں تو ہر عورت کی طرح ان کا وزن بھی بہت زیادہ بڑھ گیا تھا جسے انھیں فوری کم کرنا تھا۔ اس آرٹیکل میں ہم آپ کو ان کے ڈائیٹ چارٹ کے بارے میں بتائیں گے تاکہ آپ بھی اس سے فائدہ اٹھا سکیں۔

لیموں اور شہد

ٹائمز آف انڈیا کے مطابق ایشوریا رائے اپنے دن کا آغاز نیم گرم پانی میں لیموں نچوڑ کر شہد ملا کر پینے سے کرتی ہیں۔ اس سے انھیں فوری توانائی ملتی ہے۔ جسم سے زہریلے مادے خارج ہوجاتے ہیں اور ساتھ ہی نظام ہاضمہ تیز ہوجاتا ہے۔

صبح کا ناشتہ

صبح اٹھنے کے آدھے سے ایک گھنٹے کے اندر ایشوریا ٢ براؤن بریڈ اور دلیہ کھاتی ہیں۔ یہ خوراک انھیں توانائی بخشتی ہے اور ورزش کے لئے تازہ دم کردیتی ہے۔

دوپہر کا کھانا

دوپہر کے کھانے میں ایشوریا سلاد کا پیالہ کھاتی ہیں اور اکثر دال روٹی بھی کھا لیتی ہیں۔ اپنے ایک انٹرویو میں ان کا کہنا تھا کہ وہ دال اور سلاد کے ساتھ پوری زندگی گزار سکتی ہیں۔

اسنیک ٹائم

رات کا کھانا بہت زیادہ بھاری نہ ہو اس کے لئے وہ شام میں تازے پھل کھاتی ہیں اور اس کے بعد رات میں بھی ہلکا پھلکا کھاتی ہیں جیسے کہ ابلی ہوئی مرغی یا گوشت کا ٹکڑا یا دل وغیرہ۔ اس کے بعد وہ کچھ نہیں کھاتیں۔

ورزش

ماں بننے کے بعد ایشوریا نے تقریباً 45 منٹ ورزش اور یوگا کو معمول بنایا تاکہ کم وقت میں زیادہ سے زیادہ وزن کم ہوسکے۔ وہ دن میں 3 بار پیٹ بھر کر کھانے کے بجائے 5 وقت تھوڑا تھوڑا کھانے کو ترجیح دیتی ہیں۔ اس کے علاوہ ان کا کہنا ہے کہ ان کے ڈاکٹر نے باہر کا کھانا کھانے کو منع کیا ہے کیوں کہ اس میں نمک، تیل اور نیکنگ سوڈا موجود ہوتا ہے جس سے جسم پھول جاتا ہے اور یہ بالوں اور اسکن کے لئے بھی نقصان دہ ہے۔