کریلے کی کڑواہٹ کو کیسے ختم کیا جائے؟ جانیں 5 کارآمد ٹپس

کریلے اپنی کڑواہٹ کی وجہ سے مشہور ہیں لیکن اس میں کریلے کی کوئی غلطی نہیں بلکہ اس کی کڑواہٹ میں بھی آپ لوگوں کے لئے بہت فائدے ہیں۔ یہ ذیابطیس، موٹاپے، دل کے عارضے، جلد کی تازگی وغیرہ کے لئے بڑا مفید ہے۔ اکثر گھروں میں خواتین کریلے پکا تو لیتی ہیں لیکن ان کی کڑواہٹ کی وجہ سے گھر والے اور خصوصاً بچے ان کی محنت سے پکائی گئی ہانڈی کو کھانے میں سو نقص نکال دیتے ہیں۔
اس لئے آج خانہ داری میں آپ سیکھیں کہ کیسے آپ اتنے فائدے مند کریلوں کی کڑواہٹ دور کرکے انھیں اپنے گھر والوں کے لئے ذائقہ دار طریقے سے پکا سکتی ہیں۔

کریلے کی کھردری سطح کو کھرچ دیں

کریلے کی کڑواہٹ کم کرنے کے لیے سب سے پہلے تو اس کی اوپری کھردری سطح کو کھرچ دیں، اس سطح کو اتنا کھرچیں کہ وہ ہموار ہوجائے۔

بیج نکال دیں

جب سطح کو ہموار کردیں تو کریلے کے ٹکڑے کرلیں اور اسے پکانے سے پہلے بڑے بیجوں کو نکال دیں، ایسا کرنے سے کڑواہٹ کافی حد تک ختم ہوجائے گی۔

نمک سے مدد لیں

جب کریلے سے کڑواہٹ دور کرنا چاہتے ہوں تو نمک اس حوالے سے بہترین مددگار ثابت ہوسکتا ہے، اس کے لیے کریلوں کے ٹکڑوں کو نمک کی اچھی خاصی مقدار میں رگڑیں، اس کے بعد برتن میں ڈال دیں اور پکانے کے لیے 20 سے 30 منٹ کا انتظار کریں۔

عرق نکال لیں

نمک لگانے کے بعد کریلے کا عرق نکالنا مت بھولیں، اس کے بعد نلکے کے نیچے رکھ کر پانی کھولیں اور بہتر نتیجے کے لیے ایک بار پھر اس کا عرق نکالنے کی کوشش کریں۔

دہی کا استعمال

کریلے سے کڑواہٹ دور کرنے کے لیے ایک اور ذریعہ پھیکا دہی ہے، کریلے کے ٹکڑے دہی میں کم از کم ایک گھنٹے تک ڈبو کر رکھیں اور اس کے بعد ہی اسے پکائیں۔

By Saqib    |    In Health and Fitness   |    0 Comments    |    1266 Views    |    09 Dec 2021

Related Articles

Comments/Ask Question

Read Blog about کریلے کی کڑواہٹ کو کیسے ختم کیا جائے؟ جانیں 5 کارآمد ٹپس and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کریلے کی کڑواہٹ کو کیسے ختم کیا جائے؟ جانیں 5 کارآمد ٹپس) and how to utilize other natural ingredients to cure diseases, easy recipes, and other information related to food from KFoods.