چٹخارے دار کھانا کھانے اور بنانے میں کراچی والوں کا کوئی ثانی نہیں، کراچی میں جگہ جگہ فوڈ سٹریٹس پر اتنے زبردست ذائقہ دار اور سستے کھانے ملتے ہیں جن کو لوگ ایک مرتبہ کھائیں تو بار بار کھانے کی فرمائش کرتے ہیں۔ آئیے آپ کو بتاتے ہیں کراچی میں روزمرہ کھائے جانے والے زبردست اور سستے کھانوں کے بارے میں جو ہر دل کو بھاتے ہیں:
انڈے والا برگر:
٭ مُجھ کو انڈے والا برگر کھانا ہے، ایک میم جو سوشل میڈیا پر خوب وائرل ہوئی تھی، بہرحال کراچی میں محض 70 روپے میں مصالحے دار انڈے والا برگر آپ کو کہیں سے بھی آسانی سے مل سکتا ہے، جس میں مایونیز، کیچپ اور بند گوبھی کے ساتھ ٹماٹر، انڈہ، شامی کباب، پیاز اور سلاد پتہ بھی ڈالا جاتا ہے جس کو کھا کر فوری پیٹ بھر جاتا ہے۔
نلی نہاری:
٭ نلی نہاری کراچی میں جاوید نہاری اور برنس روڈ پر بآسانی مل جاتی ہے، جو اس کو کھاتا ہے وہ دوبارہ کھانے کی فرمائش لازمی کرتا ہے اور آپ کو جان کر حیرت ہوگی کہ صرف 300 روپے میں مزے سے پیٹ بھر جاتا ہے۔
نلی بریانی:
٭ نلی بریانی جوکہ لیاقت آباد میں غوثیہ کی بہت زیادہ مشہور ہے، جس کو کھانے کے لئے کراچی ہی نہیں بلکہ دور دور سے لوگ آتے ہیں، یہ 350 روپے کا ایک تھال ہے جس میں 2 لوگوں کا پیٹ بآسانی بھر جائے۔
فرنچ فرائز:
100 روپے میں ملنے والے کرسپی فلیورڈ والے فرنچ فرائز کراچی والے ہر روز کھاتے ہیں، ان کو کھانے کا کوئی وقت نہیں ہے، لیکن شام کے وقت اکثر نوجوان، بڑے اور بچے لازمی فرنچ فرائز کھاتے ہیں جن سے بچوں کا تو پیٹ آسانی سے بھر جاتا ہے۔
پیزا فرائز:
پیزا فرائز بھی کراچی والوں کی ایک عام ڈش بن چکی ہے جس کو کہیں سے بھی خریدا جاسکتا ہے اور یہ بہت مہنگے نہیں بلکہ 120 روپے میں بھی بآسانی مل جاتے ہیں جن کو کھا کر آپ کا بھی پیٹ آسانی سے بھر جائے گا۔
Discover a variety of Tips and Totkay articles on our page, including topics like Anday Wala Burger Aur Nali Biryani and other health issues. Get detailed insights and practical tips for Anday Wala Burger Aur Nali Biryani to help you on your journey to a healthier life. Our easy-to-read content keeps you informed and empowered as you work towards a better lifestyle.
Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. KFoods.com is not responsible for errors or omissions. Doctors and Hospital officials are not necessarily required to respond or go through this page.