آپ ہوتے کون ہیں یہ کہنے والے۔۔ بہروز سبزواری غصے میں نادیہ خان پر برس پڑے! اچانک کیا بات ہوگئی؟

“آپ ہوتے کون ہیں یہ کہنے والے کہ ایسا نہیں ایسا ہونا چاہیے؟ بہت بڑی مارننگ شو کی میزبان نادیہ شو اپنے شو میں مہمانوں کو بلا کر ان کی بے عزتی کرتی تھیں اور تنقید کرتی تھیں“

غصے میں کہے گئے یہ الفاظ ہیں سینئیر آرٹسٹ بہروز سبزواری کے جنھوں نے گزشتہ دنوں سماء ٹی وی کے پروگرام میں شرکت کرتے ہوئے ڈراموں پر ہونے والی بے جا تنقید کے حوالے سے گفتگو کی۔ بہروز سبزوری کے ساتھ اس پروگرام میں خالد انعم اور دیگر سینئیر اداکار بھی موجود تھے جن کا کہنا تھا کہ ہم تو اپنے ڈائیریکٹر کو باپ سمجھتے ہیں کیونکہ جو کچھ وہ دیکھ سکتا ہے بطور اداکار ہم اسے اس وقت سمجھنے کی پوزیشن میں نہیں ہوتے۔

بہروز سبزواری نے مزید کہا کہ “میں ان تمام چینلز اور ٹاک شوز کے میزبانوں سے معذرت کرتے ہوئے کہتا ہوں کہ آپ تنقید کرنے والے ہوتے کون ہیں۔ کیا آپ نہیں جانتے کہ یہ کتنی محنت کا کام ہے؟ ہم کتنا خون پسینہ بہا کر کام کرتے ہیں؟ تنقید مثبت ہونی چاہیے لیکن تنقید سے نفرت پھیلانا درست عمل نہیں۔ مارننگ شو کے میزبان محنت اور لگن کو دیکھنے بغیر تنقید کرتے ہیں جو ناانصافی ہے۔