مہمانوں کو پانی کے جہاز پر گھمایا جائے گا اور.. مکیش امبانی کی بہو پری ویڈنگ تقریب میں کیا پہنیں گی؟ جہاز کے اندر کی ویڈیو سامنے آگئی

مکیش امبانی کے سب سے چھوٹے بیٹے آننت امبانی اور رادھیکا مرچنٹ کی پری ویڈنگ تقریبات کے دوسرے راؤنڈ کا آغاز ہوگیا ہے.

اس راؤنڈ کی خاص بات یہ ہے کہ تقریبات کسی شہر میں نہیں بلکہ سمندر میں منعقد کی جائیں گی. جی ہاں ایک لگژری کروز جہاز جو اٹلی سے فرانس کے جنوب میں چار ہزار 380 کلومیٹر کا خوبصورت سفر پورا کرے گا، اسی میں تمام مشہور شخصیات کی موجودگی میں پری ویڈنگ تقریبات ادا کی جائیں گی.

اس لگژری کروز لائنر میں تقریباً 800 مہمان موجود ہوں گے جن میں بھارتی مشہور کرکٹرز، سیاست دان اور شوبز شخصیات کے علاوہ دنیا بھر کے معروف فنکار اور شخصیات موجود ہوں گے.

بھارتی میڈیا کے مطابق 29 مئی کو تقریبات کا آغاز استقبالیہ لنچ کے ساتھ ہو گا جس کے بعد ’سٹاری نائٹ‘ تھیم پر مشتمل ایوننگ گالا کا اہتمام ہو گا۔

30 مئی کو مہمان سیاحتی دن کے لیے روم میں اُتریں گے، اس کے بعد ایک ڈنر پارٹی اور ایک آفٹر پارٹی ہو گی جو 31 مئی کو دوپہر ایک بجے شروع ہو گی۔

کروز پر تہوار کی صبح کے بعد مہمان کانز میں لینڈ کریں گے جہاں میسکیوریڈ پارٹی ہو گی۔ یہ تقریب یکم جون کو اٹلی کے شہر پورٹوفینو میں ختم ہو گی۔

مہمانوں کی خاطر تواضع اور خدمت کے لئے 600 افراد پر مشتمل اسٹاف موجود ہوگا.

پری ویڈنگ کروز کا میں ایک تقریب خلائی تھیم پر مبنی ہو گی. جس میں دلہن رادھیکا مرچنٹ گریس لنگ کوچر پیس پہنیں گی۔ جبکہ پارسی، تھائی، میکسیکن اور جاپانی پکوان مہمانوں کو پیش کیے جائیں گے.