کیلے کے پتے جسم پر لگانے سے کیا ہوتا ہے؟ جانیں ہر موسم میں ملنے والے کیلے سے متعلق دلچسپ حقائق

کیلے میں نہ تو بیج ہوتے ہیں نہ ہی ان کو کھانے سے پہلے دھونا پڑتا ہے اور تو اور ان کے کھٹا یا کڑوا نکلنے کا بھی خوف نہیں ہوتا کیونکہ کیلے ہمیشہ میٹھے ہی ہوتے ہیں۔ اسی وجہ سے یہ بچوں اور بڑوں کا پسندیدہ ترین پھل سمجھے جاتے ہیں۔ البتہ اس پھل میں ذائقے کے علاوہ کئی طبی فائدے ہیں جبکہ اس کے پتوں کا استعمال بھی بہت سی بیماریوں کے علاج کے لیے کیا جاتا ہے.

کیلے کی غذائی اہمیت

کیلے ایک غذائیت سے بھرپور پھل ہے جو اعلیٰ پوٹاشیم کے لیے جانا جاتا ہے۔ فی درمیانے سائز کے کیلے میں تقریباً 400-450 ملی گرام پوٹاشیم موجود ہوتا ہے۔ یہ وٹامنز اور معدنیات کا بھی ایک اچھا ذریعہ ہیں، بشمول وٹامن سی، وٹامن بی 6، اور غذائی ریشہ بھی کیلے میں پایا جاتا ہے۔ ایک درمیانے کیلے میں عام طور پر تقریباً 105 کیلوریز ہوتی ہیں. کیلے قدرتی طور پر چربی اور کولیسٹرول سے پاک ہوتے ہیں اور اس میں پروٹین کی بھی مقدار موجود ہوتی ہے۔

کیلے اور اس کے پتوں کے حیرت انگیز فائدے

کمزور جسم والے افراد اور اور بچوں کو کیلے کا ملک شیک پلانا چاہیے۔ یہ جسمانی کمزوری دور کرتا ہے۔

کیلے کے پتے اپنی اینٹی بیکٹیریل اور ٹھنڈی خصوصیات کی وجہ سے زخم جلد مندمل کرتے ہیں۔ انھیں زخم پر پٹی کی صورت باندھا جاتا ہے۔

کیلے کے پتوں کو پکا کر کھایا بھی جاتا ہے یہ ہاضمہ درست کرنے اور پیٹ کے امراض کو دور کرتے ہیں۔

کیلے کے پتوں کی چائے نزلہ زکام سے محفوظ رکھتی ہے۔

جلد میں جلن کا خارش کی صورت میں کیلے کے پتے ملنے سے آرام ملتا ہے۔