اتنے ضدی دانے جاتے ہی نہیں۔۔ اب تکلیف دہ ایکنی کے لیئے گھر میں بنائیں اینٹی سیپٹک ماسک! جو دانے کے نشان تک مٹا دے

DIY Antiseptic Mask For Acne

کیا آپ بھی ان خواتین میں شامل ہیں جو ہر مہینے چہرے پر نکلنے والے دانوں سے پریشان رہتی ہیں؟ یہ مسئلہ صرف آپ کا نہیں، بلکہ بہت سی خواتین کو درپیش ہوتا ہے۔ کچھ دنوں بعد یہ دانے خود تو ختم ہو جاتے ہیں، لیکن اپنے پیچھے داغ اور خارش کی شکایت چھوڑ جاتے ہیں – اور اگر ناخن سے چھیڑ دیا جائے تو مسئلہ مزید بگڑ جاتا ہے۔

زیادہ تر اوقات، یہ دانے ہارمونی تبدیلیوں کا نتیجہ ہوتے ہیں۔ ایسی صورتحال میں متوازن غذا اور ہلکی پھلکی ورزش بہت مددگار ثابت ہوتی ہے۔ لیکن اگر آپ فوری اور قدرتی حل کی تلاش میں ہیں تو ہمارے پاس ایک شاندار اینٹی سیپٹک ماسک کا نسخہ ہے جو آپ کی جلد کو دوبارہ صاف، چمکدار اور دانوں سے پاک بنا سکتا ہے۔

قدرتی ماسک کا جادو

اس سادہ مگر مؤثر ماسک کو بنانے کے لیے آپ کو درج ذیل اجزاء کی ضرورت ہے

تازہ نیم کے پتے – 5 سے 6

صندل پاوڈر – 1 چائے کا چمچ

عرقِ گلاب – حسبِ ضرورت

ہلدی – ایک چٹکی

طریقہ کار:

نیم کے پتوں کو دھو کر اچھی طرح پیس لیں۔

اس پیسٹ میں صندل پاؤڈر، عرقِ گلاب اور ہلدی شامل کر کے یکجان مکسچر تیار کریں۔

پہلے چہرے کو اچھی طرح صاف کریں، پھر یہ ماسک لگائیں اور 20 منٹ بعد ٹھنڈے پانی سے دھو لیں۔

نتیجہ؟ صاف جلد، داغ دھبوں سے نجات اور قدرتی نکھار

فائدے:

نیم اور ہلدی جلد کی گہرائی میں موجود بیکٹیریا کو ختم کرتے ہیں، جبکہ صندل اور عرقِ گلاب چہرے کو ٹھنڈک اور قدرتی چمک دیتے ہیں۔ اس ماسک کا باقاعدہ استعمال نہ صرف دانوں کے مسئلے کو روکتا ہے بلکہ چہرے پر پہلے سے موجود داغ بھی بتدریج مدھم ہونے لگتے ہیں۔