سونے میں گردن اکڑ گئی ہے؟؟ جانیئے گردن کی اکڑن سے چھٹکارا پانے کے چند گھریلو طریقے

گردن میں اکڑن کے پیچھے کئی ممکنہ وجوہات ہیں، یہ آپ کی روزمرہ کی سرگرمیوں کے ساتھ ساتھ آپ کے سونے کے انداز کی وجہ سے بھی ہو سکتی ہے، مگر ہمارے بتائے ہوئے چند آسان گھریلو علاج آپ کو گردن کی اکڑن سے نجات دلانے میں مدد کر سکتے ہیں۔
گردن میں اکڑن دراصل پٹھوں کی کمزوری اور جسم میں پانی کی کمی کی وجہ سے ہوتا ہے، ایسے میں اکثر جب آپ سوتے ہیں تو آپ کی گردن ٹھہر جاتی ہے اور اگلی صبح آپ گردن میں شدید درد کے ساتھ بیدار ہوتے ہیں۔
ایسا اکثر بہت دیر تک ایک ہی پوزیشن میں موبائل یا لیپ ٹاپ وغیرہ استعمال کرنے سے بھی ہوتا ہے، گردن کی اکڑن ایک تکلیف دہ حالت ہے جو آپ کے روزمرہ کے کاموں کو متاثر کر سکتی ہے، اس تکلیف سے کیسے نجات حاصل کی جائے آیئے چند طریقے جان لیتے ہیں۔

گردن کی اکڑن سے چھٹکارا پانے کے طریقے

• گرم یا سرد ٹکور کریں

گردن کے اکڑنے پر ہیٹ پیڈ میں گرم پانی بھر کر گردن کو گرمائش دیں، یا کوئی کپڑا استری سے گرم کر کے اسے گردن پر لگائیں، یا پھر آئس پیڈ سے گردن کے اکڑے ہوئے پٹھوں کو ٹھنڈک پہنچائیں ایسا کرنے سے کافی حد تک آرام ملے گا۔

• ورزش

گردن اکڑے یا نہ اکڑے ہر شخص کو دن میں کم سے کم 30 منٹ تک ورزش کرنی چاہیئے، اس سے نہ صرف گردن کی اکڑن دور ہوگی بلکہ آپ کا پورا جسم متحرک رہے گا اور آپ پُرسکون طریقے سے بیٹھ سکیں گے۔

• تناؤ کم کریں

گردن اکڑنے کی ایک بڑی وجہ انسان کا تناؤ کا شکار ہونا بھی ہے، اس لئے ضروری ہے کہ آپ یوگا، ورزش یا پھر ذہنی سکون کی ادویات کے زریعے تناؤ کم کریں اور پُرسکون رہنے کی کوشش کریں۔

• سونے کا طریقہ

اگر آپ اُلٹے سیدھے طریقے سے سوتے ہیں نرم تکیہ استعمال نہیں کرتے تو فوری یہ عادات چھوڑ دیں، ہمارے جسم کو سوتے وقت آرام دہ بستر کی ضرورت ہوتی ہے ورنہ گردن تو کیا کمر اور جسم کا ہر جوڑ دکھے گا، اس لئے سیدھا سونے کی عادت بنائیں اور نرم تکیہ استعمال کریں۔

By Sadia    |    In Health and Fitness   |    0 Comments    |    1306 Views    |    15 Dec 2021

Comments/Ask Question

Read Blog about سونے میں گردن اکڑ گئی ہے؟؟ جانیئے گردن کی اکڑن سے چھٹکارا پانے کے چند گھریلو طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سونے میں گردن اکڑ گئی ہے؟؟ جانیئے گردن کی اکڑن سے چھٹکارا پانے کے چند گھریلو طریقے) and how to utilize other natural ingredients to cure diseases, easy recipes, and other information related to food from KFoods.