مایا علی اور بلال اشرف شادی کر رہے ہیں؟ سوشل میڈیا صارفین میں ہلچل مچ گئی

Maya Ali And Bilal Ashraf Marriage Rumors

پاکستان کے معروف اداکار مایا علی اور بلال اشرف نہ صرف اپنی شاندار اداکاری کے باعث مشہور ہیں بلکہ ان کی گہری دوستی اور دل موہ لینے والی کیمسٹری بھی مداحوں کو حیران کر رہی ہے۔

حالیہ دنوں میں یہ دونوں اسٹارز ایک ساتھ مختلف تقریبات میں دکھائی دے رہے ہیں، جن میں لاہور میں ہونے والا کوئٹہ گلیڈی ایٹرز کا میچ بھی شامل ہے۔ ان کی قربت نے مداحوں کو خوشگوار حیرت میں ڈال دیا ہے۔

اب، ان دونوں کی نئی تصویریں سوشل میڈیا پر چھا گئی ہیں! مایا علی اور بلال اشرف نے راشد ٹیکسٹائل کے نئے لان کلیکشن کے لیے ایک نہایت دلکش فوٹو شوٹ کروایا، جس میں ان کی شاندار کیمسٹری اور جاندار انداز نے سب کو مصحور کر دیا۔

تصاویر وائرل ہوتے ہی مداحوں نے تبصروں کی بارش کر دی، ان کا کہنا ہے؛

۔ یہی تو ہے پرفیکٹ وائب!

۔ اللہ کرے آپ دونوں زندگی کے ساتھی بن جائیں۔

۔ اس جوڑی کی آن سکرین کیمسٹری دل کو چھو جاتی ہے، اب آف سکرین بھی دیکھنا چاہتے ہیں۔

۔ یہ دونوں ساتھ ہوں تو دل خوش ہو جاتا ہے۔

سوشل میڈیا پر ایک کے بعد ایک فینز نے یہ خواہش ظاہر کی کہ یہ دو خوبصورت دل آخر کار ایک ہو جائیں۔

اب مایا اور بلال کے مداح صرف تصویروں میں ہی نہیں، بلکہ زندگی میں بھی ان کو ایک ساتھ دیکھنے کے خواب بُن رہے ہیں۔ کیا واقعی یہ کہانی کسی حسین انجام کی طرف بڑھ رہی ہے؟ فی الحال تو دونوں ستارے خاموش ہیں، لیکن ان کی موجودگی ایک ساتھ... کچھ تو کہتی ہے!