بیوی کے پاؤں دبا کر سوتا ہوں۔۔ احمد حسن کی بات پر بیوی نے کیا جواب دیا؟ سوشل میڈیا پر نئی بحث

Ahmad Hassan Statement Regarding His Wife Gets Public Attention

پاکستانی اداکار احمد حسن نے حالیہ انٹرویو میں ایک ایسی بات کہہ دی جس نے سوشل میڈیا پر نئی بحث چھیڑ دی۔

اپنی اہلیہ نوشین احمد کے ساتھ ایک ٹی وی شو میں شریک ہوتے ہوئے، انہوں نے بتایا؛ "روز رات سونے سے پہلے بیوی کے پاؤں دباتا ہوں، اُسے آرام ملتا ہے اور مجھے برکت محسوس ہوتی ہے۔"

احمد حسن نے کہا وہ خود کو ایک ذمے دار شوہر سمجھتے ہیں۔ جب انہوں نے نوشین سے اس بات کی گواہی مانگی تو انہوں نے ہنستے ہوئے کہا، "ظاہر ہے، آخر وہ میرے شوہر ہیں۔"

بس پھر کیا تھا — آن لائن دنیا دو حصوں میں بٹ گئی۔

کچھ مرد صارفین نے ناراضی کا اظہار کیا کہ، اتنے نجی معاملات کو عوامی پلیٹ فارم پر شیئر کرنے کی ضرورت نہیں تھی۔

ایک تبصرہ آیا، بیوی سے محبت بجا، لیکن ہر بات دکھانے کی نہیں ہوتی۔

مگر خواتین کی بڑی تعداد نے اس رویے کو محبت، احترام اور سمجھوتے کی خوبصورت مثال قرار دیا۔

ایک خاتون صارف نے لکھا، ایسا شوہر خوش نصیب عورت کو ہی ملتا ہے۔

یاد رہے کہ احمد اور نوشین کی شادی کو 12 سال ہو چکے ہیں۔ دونوں فنکار ایک ڈرامے کے سیٹ پر ملے تھے، اور وقت کے ساتھ ان کا رشتہ دوستی سے شادی تک جا پہنچا۔

محبت کا مطلب صرف الفاظ نہیں، چھوٹے عمل بھی بڑی اہمیت رکھتے ہیں۔