ماں تو ہر لڑکی بنتی ہے لیکن یوں دکھانا ضروری کیوں ہوگیا؟ ماں بننے والی اداکاراؤں کے نئے ٹرینڈ پر صارفین بھڑک اُٹھے

"بالی وڈ کی اداکاراؤں کی طرح اب ہماری اداکارائیں بھی پریگنینسی فوٹوشوٹ کروائیں گی؟"

"ماں تو ہر لڑکی بنتی ہے پھر اس طرح تصاویر بنوا کر اعلان کرنا کیوں ضروری ہوگیا؟"

"پہلے تو ایسی باتیں شرم لحاظ میں کسی بڑے کے سامنے نہیں کی جاتی تھیں لیکن اب گھر کی بچیاں سوشل میڈیا اور ڈراموں پر یہ سب سارا دن دیکھیں گی تو یہی سیکھیں گی"

اس طرح کے کئی تبصروں سے اس وقت سوشل میڈیا بھر پڑا ہے۔ گزشتہ روز پاکستانی نامور اداکاراؤں نے اپنے حاملہ ہونے کی خبر سوشل میڈیا پر دینے کے ساتھ اپنی تصاویر بھی شئیر کیں تو صارفین بھارت کے ٹرینڈ فالو کرنے پر اداکاراؤں پر بھڑک اٹھے.

واضح رہے اس سے قبل بھی کئی پاکستانی اداکارائیں اپنا پریگنینسی فوٹوشوٹ کروا کر سوشل میڈیا پر شئیر کرچکی ہیں جو پاکستانی معاشرے اور عام عوام کے مزاج سے بالکل میل نہیں کھاتا۔

عوام کا کہنا ہے کہ ماں بننا ایک سعادت کی بات ہے لیکن اس کو بے حیائی کا نمونہ بنا کر پیش کرنا نہ تو ہمارے مذہب میں جائز ہے نہ ہی ہماری روایات کے مطابق ہے۔ خاص طور پر یہ نوجوان نسل کی ذہن سازی کے لئے قطعی غیر موزوں ہے اس لیے اداکاراؤں اور ماڈلز کو بھارتیوں کا ہر ٹرینڈ اندھا دھند اپنانے کے بجائے اپنی روایات کی پاسداری کرنی چاہیے۔