یہ تو ارنب گوسوامی سے بھی 10 نمبر آگے ہیں۔۔ یاسر حسین نے نادیہ خان کو آڑے ہاتھوں لیتے ہوئے کیا کچھ سنا دیا؟

Yasir Hussain Befitting Reply To Nadia Khan

پاکستانی شوبز انڈسٹری کے معروف اداکار و اسکرین رائٹر یاسر حسین نے ایک بار پھر اپنے مخصوص انداز میں سوشل میڈیا پر کسی کو بخشا نہیں — اس بار اُن کا ہدف بنیں سینئر اداکارہ اور ٹی وی شو ہوسٹ نادیہ خان۔

یاسر حسین، جو انسٹاگرام پر اپنے بے باک اور مزاحیہ تبصروں کی وجہ سے جانے جاتے ہیں، حال ہی میں نادیہ خان کے شو 'کیا ڈراما ہے' کی ایک ویڈیو شیئر کرتے ہوئے تنقیدی تیر چلاتے ہوئے نظر آئے۔

ویڈیو میں نادیہ خان بتا رہی تھیں کہ ایک معروف ڈائریکٹر نے ان سے کہا، جب آپ کسی ڈرامے پر اتنی تنقید کرتی ہیں تو پھر اس کو ریٹنگ بھی ویسی ہی دیں، یعنی 1 یا 0، 4 دینے کا کیا مطلب؟

یاسر نے اس پر چٹکی لیتے ہوئے لکھا، میں نادیہ خان کی پوری کریئر کی اداکاری کو 1.5 نمبر دیتا ہوں اور ہوسٹنگ کو 2.5 — باقی تو یہ آج کل ارنب گوسوامی سے بھی دس نمبر آگے جا رہی ہیں۔

یاسر نے نہ صرف نادیہ کی ریٹنگز کے انداز پر سوال اٹھایا بلکہ ان کے اور مبینہ "ہدایتکار" کے خیالات سے بھی مکمل اختلاف ظاہر کرتے ہوئے صاف کہہ دیا، بھائی! نمبر سے کچھ نہیں ہوتا۔

دلچسپ بات یہ ہے کہ نادیہ خان کا شو کیا ڈراما ہے خاصا مقبول ہو چکا ہے، جس میں وہ مرینہ خان، روبینہ اشرف اور عتیقہ اوڈھو جیسے سینئر فنکاروں کے ساتھ بیٹھ کر ڈراموں کی کہانی، اداکاری، کاسٹنگ اور اسٹائلنگ پر کھل کر بات کرتی ہیں۔ مگر یاسر کا ماننا ہے کہ تنقید کا انداز اور ریٹنگ کا تناسب کچھ میل نہیں کھاتا۔

اب یہ شوبز کی صحت مند بحث ہے یا ذاتی طنز؟ مداح فیصلہ کریں — فی الحال تو سوشل میڈیا پر یہ قسط سب سے زیادہ ریٹنگز لے رہی ہے۔