لوگوں نے کہا اپنے بیٹے سے بھیک منگواؤ اور.. اے آر رحمان کی زندگی کے وہ حقائق جن سے بہت کم لوگ واقف ہیں

کیا آپ اس بلیک اینڈ وائٹ تصویر میں بیٹھے بچے کو پہچان سکتے ہیں. اس بچے کی آنکھوں کی چمک بتا رہی ہے کہ بڑا ہو کر یہ ضرور نام کمائے گا اور ہوا بھی کچھ ایسے ہی. لیکن پہلے آپ تصویر پر تھوڑا سا غور کریں اور بتائیں آخر یہ بچہ کون سا نامور آرٹسٹ ہے؟

اگر آپ نہیں پہچان پائے تو ہم بتا دیں یہ بھارت سے تعلق رکھنے والے دنیا بھر میں مشہور موسیقار اے آر رحمان کے بچپن کی تصویر ہے. اب ایک گیت کا 3 کروڑ روپے معاوضہ لینے والے اے آر رحمان پر ایک وقت ایسا بھی آیا کہ لوگوں نے انھیں حقیر سمجھتے ہوئے بھیک مانگنے کا مشورہ تک دیا.

صرف 9 برس کی عمر میں یتیم ہونے والے اے آر رحمٰن بچپن میں ہی شدید غربت کا شکار ہوگئے تھے جس کے بعد انھیں گھر والوں کا پیٹ پالنے کے لئے کم عمری میں ہی محنت مزدوری کرنی پڑی.

ان حالات کی وجہ سے اے آر رحمان اسکول سے چھٹیاں کرنے لگے جس پر کسی نے ان کی والدہ کو مشورہ دیا کہ اس بچے کو اسکول بھیجنے کے بجائے سڑکوں پر بھیک مانگنے پر لگا دیں.

البتہ 1995 سے بالی وڈ میں قدم رکھنے کے بعد اے آر رحمان کی قسمت کا ستارہ ایسا چمکا کہ کئی بھارتی ایوارڈز جیتنے کے علاوہ وہ اکیڈمی ایوارڈ بھی جیت چکے ہیں.