میں ماہرہ کا بھائی بن گیا تھا ۔۔ سوشل میڈیا پر وائرل ڈرامہ مشکل کے اداکار خوشحال خان کس مشہور اداکار کے کزن ہیں؟ جانیے دلچسپ معلومات

نئے اداکار جہاں اپنی جگہ بنا ہی لیتے ہیں، وہیں ان کی جاندار اداکاری کے ساتھ ان کے رشتے بھی کافی وائرل ہو جاتے ہیں۔

نوجوان اداکار خوشحال خان نے حال ہی میں اپنے ڈرامے مشکل سے سب کی توجہ حاصل کی جس میں ان کا کردار فراز ناظرین کو خوب بھایا۔ فراز کا کردار خوشحال خان نے کچھ یوں نبھایا کہ ناظرین اسے اب تک یاد کر رہے ہیں۔

ایک ایسا کردار جس میں فراز گھریلو مصیبتوں اور پھر دباؤ کو برداشت کرتا ہے۔ خوشحال خان 2000 میں لاہور شہر میں پیدا ہوئے، جبکہ اداکار کا تعلق ایک پٹھان گھرانے سے ہے۔ جبکہ یہ بات بھی بہت کم لوگ جانتے ہیں کہ مشہور اداکار احسن خان خوشحال خان کے کزن ہیں۔

2021 میں خوشحال نے ڈرامے قصہ مہربانو سے اداکاری کا آغاز کیا تھا، ڈرامہ بے بسی میں بھی اداکاری کے جوہر دکھائے اور اب میرینہ خان کی ڈائریکشن میں بننے والے ڈرامے مشکل میں لیڈ رول ادا کیا۔

ہم اسٹائل ایوارڈز میں بھی خوشحال خان نے 2019 2020 کے رائزنگ اسٹار، ماڈل کا ایوارڈ اپنے نام کیا، دلچسپ بات یہ بھی ہے کہ خوشحال نے ماہرہ خان کے پراجیکٹ ایک ہے نگار میں ماہرہ خان یعنی نگار کے بھائی کا کردار ادا کیا، جس نے ناظرین کو بھی ان کی جانب متوجہ کیا۔

اس حوالے سے خوشحال کا کہنا تھا کہ رئیس فلم کی اداکارہ ماہرہ خان کے ساتھ کام کرنے کا تجربہ کافی خوشگوار تھا۔ ماہرہ انتہائی مہربان شخصیت کی مالک ہیں۔

خوشحال دیگر سینئر اداکاروں کے ساتھ بھی وقت بتاتے دکھائی دیے ہیں، جیسے کہ اس تصویر میں وہ اداکار فواد خان، ان کی اہلیہ، صنم سعید کے ساتھ موجود ہیں۔