لیچی، نفیس، مزیدار اور فائدے مند پھل

کھٹی میٹھی لیچی، گرمیوں کا خاص پھل ہے۔ ماہرین کے مطابق اس موسم میں لیچی کا استعمال نہایت ہی مفید ہے۔ لیچی کا نباتاتی نام لیچی چائنین سیس (Litchi Chinese) ہے۔ لیچی میں باہر کی طرف ایک پتلا اور سخت سرخ گلابی چھلکا ہوتا ہے جو پر تیز نوکدار اُبھار ہوتے ہیں۔ اس کے اندرونی جانب ایک جھلی ہوتی ہے جس میں لیچی کا سفید گودا بڑے سے بیج کے ساتھ لپٹا ہوتا ہے۔ گودے کا ذائقہ نہایت شیریں اور خوش مزہ ہوتا ہے۔ یہ پھل نہایت حساس ہے اور پیڑ سے اتر کر بہت جلد خراب ہو جا تا ہے-

اطباء کے مطابق لیچی کا مزاج سرد و تر درجہ دوم ہے۔ لیچی کا اصل وطن چین ہے لیکن یہ بھارت میں بہار کے ضلع مظفرپور، اُترپردیش میں ہمالیہ کے دامن، ڈھیرہ دون کی وادی نیز آسام و مغربی بنگال کے علاوہ پاکستان میں سندھ کے بعض علاقوں میں بھی کاشت کی جاتی ہے۔ لیچی کے درخت کی ایک اور خوبی یہ ہے کہ اس میں پھول لگتے ہی شہد کی مکھیاں پالی جاتی ہیں اور اس سے تیار ہونے والا شہد انتہائی عمدہ ہوتا ہے۔

لیچی ایک عمدہ اور نفیس صحت بخش پھل ہے۔ لیچی میں کیلشیم، میگنیشیم، پوٹاشیم، سوڈیم، وٹامن اے، بی، سی، تھائیمین، زنک، کاپر اور ریبوفلووین پایا جاتا ہے۔ لیچی دماغ کو طاقت دیتی ہے۔ مفرح و مقوی قلب ہے دل کی کمزوری اور خفقان (دل کی دھڑکن یک دم تیز ہوجانے) میں بہت زیادہ مفید ہے۔

لیچی پیاس بجھاتی اور جگر کے بیشتر امراض خصوصاً جگر بڑھنے میں نہایت فائدہ مند ہے۔ ہاتھ پاؤں کی جلن و یرقان میں مفید ہے۔ لیچی کم مقدار میں زیادہ دورانیہ بعد کھانا زیادہ مفید ثابت ہوتی ہے۔ ۲ سے ۳ دانے، چھ چھ گھنٹے کے بعد کھانے سے خون صالح پیدا کرتی ہے۔

تازہ ترین تحقیقات کے مطابق لیچی کا استعمال ہر قسم کے کینسر سے بچاتا ہے۔ خصوصاً اینٹی بریسٹ کینسر ہے۔ خواتین کی ہڈیوں کے بھربھرے پن میں مؤثر ہے۔

لیچی میں وٹامن سی کی مقدار زیادہ ہوتی ہے۔روزانہ سو گرام لیچی کا استعمال پورے دن کی وٹامن سی کی ضرورت پوری کردیتا ہے۔ لیچی میں چکنائی بہت کم ہوتی ہے۔ جس کی وجہ سے یہ پھل تمام عمر کے افراد کے لیے فائدے مند ہے۔ تازہ لیچی جلد بہتر بناتی ہے اور جسم کو طاقت دیتی ہے۔ قدرت کا یہ نفیس عطیہ‘ ایک بہترین اسکن ٹانک اور خواتین کی بیشتر امراض میں مفید ہے-

ماہرین کا کہنا ہے کہ لیچی میں کیلوریز اور کولیسٹرول کی مقدار کافی کم ہوتی ہے تاہم اس اس میں فائبر کی موجودگی وزن کی زیادتی سے پریشان افراد کے لیے خاصی مفید ہوتی ہے۔ ایک تحقیق میں یہ بات بھی سامنے آئی ہے کہ لیچی کا استعمال جسم میں خون کی روانی کو بہتر کرتا ہے جبکہ لیچی میں اولیگونل کی موجودگی وزن میں کمی کے ساتھ ساتھ انسانی جلد کو خطرناک الٹروائلٹ شعاعوں کے نقصانات سے بھی محفوظ رکھتی ہے۔

لیچی یرقان کے مریضوں کے لیے انتہائی مفید ہے جبکہ یہ ہاضمہ کو بھی تیز کرنے کی صلاحیت رکھتی ہے-

احتیاط

لیچی کی مقدار خوراک 100 گرام ہے۔ اس سے زیادہ استعمال مناسب نہیں کیونکہ اس کے کثرت استعمال سے بعض اوقات حلق اور زبان پر دانے نکل آتے ہیں۔ لیچی بلغم بڑھاتی ہے اس لیے دمے کے مریض اور بلغمی مزاج والے زیادہ استعمال نہ کریں۔ اس کے کھانے کے تقریباً 2 گھنٹے بعد پانی پینا چاہیے، پہلے پانی پینا نقصان دہ ہوسکتا ہے۔

By Aqib Shahzad    |    In Health and Fitness   |    0 Comments    |    2463 Views    |    18 May 2021

Related Articles

Comments/Ask Question

Read Blog about لیچی، نفیس، مزیدار اور فائدے مند پھل and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لیچی، نفیس، مزیدار اور فائدے مند پھل) and how to utilize other natural ingredients to cure diseases, easy recipes, and other information related to food from KFoods.