5 سال سے دلہن بننے کا انتظار کررہی تھی.. کراچی کی لڑکی شادی کے لئے بھارت جا پہنچی! ہونے والے سسر کی بارڈر پر رقص کی دلچسپ ویڈیو

"مجھے یقین نہیں آرہا کہ میں بھارت پہنچ چکی ہوں. 5 برس سے دلہن بننے اور اپنی شادی کا انتظار کررہی تھی.. اتنا لمبا انتظار کرنا پڑا لیکن میں بہت خوش ہوں یہاں تو ابھی سے بہت پیار مل رہا ہے"

یہ کہنا ہے بعد کراچی سے تعلق رکھنے والی جویریہ خانم کا جو بالآخر 5 برس کے طویل انتظار کے بعد بھارت کے شہر کولکتہ میں رہنے والے اپنے منگیتر سمیر خان سے شادی کے لیے بھارت پہنچنے میں کامیاب ہوگئیں۔

جب جویریہ منگل کو واہگہ بارڈر کے ذریعے ہندوستان میں داخل ہوئیں تو وہاں ان کا شاندار استقبال کیا گیا. جویریہ کے منگیتر سمیر اور ہونے والے سسر احمد کمال خان یوسفزئی نے ’ڈھول‘ کی تھاپ پر رقص بھی کیا۔ دیکھیں

واضح رہے کہ جویریہ اور سمیر کی شادی کورونا وباء کی وجہ سے رک گئی تھی جس کے بعد جویریہ کو ویزا نہیں دیا جارہا تھا.

سمیر نے اپنی ہونے والی دلہن کے متعلق کہا کہ انھوں نے 2018 میں جرمنی سے پڑھائی ختم کر کے وطن واپسی پر والدہ کے فون میں جویریہ کی تصویر دیکھی جو انھیں بہت پسند آئی اور انھوں نے شادی کا فیصلہ کرلیا. ان کا کہنا تھا کہ جب دل ایک ہوں تو سرحدوں سے فرق نہیں پڑتا.

جویریہ کو فی الحال 45 دن کا ویزا ملا ہے ان کی شادی جنوری کے پہلے ہفتے میں ہوجائے گی جس کے بعد وہ لمبے ویزے کے لیے اپلائی کریں گی.