112 سال کی بوڑھی عورت کو کتنے سال کا دولہا چاہیے؟ 8 ویں شادی کے لئے نئی فرمائش کر ڈالی

"میرے سات شوہر تھے جن میں سے کچھ کا انتقال ہو گیا جب کہ کچھ سے اختلافات کی وجہ سے طلاق ہوگئی. اب میں 8 ویں شادی کرنا چاہتی ہوں"

یہ کہنا ہے ملائیشیا کی 112 سالہ خاتون سیتی حوا حسین.کا جو پانچ بچوں، 19 پوتے اور 30 نواسے نواسیوں کی نانی دادی ہیں. سیتی نے اپنی سات شادیوں کے بعد دوبارہ شادی کرنے کی خواہش ظاہر کی ہے اور ان کا کہنا ہے کہ اگر دلہا عمر میں ان سے چھوٹا ہو تو زیادہ اچھا ہے تاکہ ان کا خیال رکھ سکے.

اپنے شدید بڑھاپے کے باوجود،م میڈم سیتی ہوا اچھی صحت برقرار رکھے ہوئے ہیں. انھیں ہائی بلڈ پریشر کا مرض ہے جس کو وہ اچھے طریقے سے سنبھالتی ہیں۔

میڈم سیتی ہوا پانچوں نمازیں ادا کرتی ہیں اور بغیر کسی سہارے کے چلتی پھرتی ہیں. چونکہ ان کے بہن بھائی اور دوست پہلے ہی انتقال کر چکے ہیں، اس لئے وہ اپنی لمبی اور صحت مند زندگی کے لیے خدا کی شکر گزار ہیں.

سیتی ہوا نے اچھی صحت کو برقرار رکھنے کا راز چاول کھاتے وقت پانی سے پرہیز کرنا قرار دیا۔ چائنہ پریس کے مطابق میڈم سیتی ہوا کے پانچ بچے ہیں، جن کی عمریں 58 سے 65 سال کے درمیان ہیں، جو ان کی سات شادیوں سے پیدا ہوئے۔ فی الحال اپنے سب سے چھوٹے بیٹے اور بہو کے ساتھ رہ رہی ہیں.