چہرے، گردن اور آنکھوں کے کالے گھیروں سے پریشان ہونے کی ضرورت نہیں کیونکہ ڈاکٹر نے بتا دی ہے سستی اور آسان ٹپ جو کرے آپ کے یہ 3 مسئلے منٹوں میں حل

خواتین اپنے رنگ کو گورا کرنے کے لئے مختلف بیوٹی کریموں اور رنگ گورا کرنے والے انجیکشنز کا استعمال کرتی ہوئی نظر آتی ہیں۔ چہرے کی خوبصورتی کو بڑھانے کے لئے تو وہ دن رات کوئی نہ کوئی ٹانک استعمال کرتی رہتی ہیں، مگر اس وجہ سے ان کی گردن اور کہنیوں کا رنگ کالا پڑ جاتا ہے جس پر توجہ نہیں دی جاتی۔ ہماری ویب میں ہم نے پہلے بھی آپ کو کئی ٹپس بتائی ہی مگر آج ہم آپ کے لئے کچن میں موجود 3 چیزوں سے سستی سی ٹپ بتانے جا رہے ہیں جو انڈیا کی ڈرماٹولوجسٹ خواتین کو بتاتی ہیں تاکہ ان کے چہرے اور گردن کا رنگ صاف ہوسکے۔

رنگ صاف کرنے کا طریقہ:

٭ ایک چمچ سفید زیرہ لیں اور ایک چمچ چھوٹی الائچی اس کو اچھی طرح توے پر بھون لیں اور پھر ان کو مکسر میں ڈال کر پاؤڈر تیار کریں۔ پھر ایک پیالی پانی گرم کریں اور ابلتے ہوئے پانی میں دو چمچ الائچی اور سفید زیرے کا پانی ڈال کر جوش دے دیں۔ اس پانی کو دن میں 2 مرتبہ استعمال کریں۔

٭ ایک چمچ سونف کو روزانہ دن میں کسی بھی وقت چبائیں اور اس کا رس پی جائیں۔ چونکہ سونف معدے کو صاف کرنے کا کام کرتی ہے، یہی وجہ ہے کہ یہ آپ کے رنگ کو گورا بھی کرتی ہے اور گردن پر ٹیننگ لائنز کا خاتمہ کرتی ہے۔

٭ چرونجی ایک جڑی بوٹی ہے، جوکہ پنسار کی دکان سے بآسانی مل جاتی ہے، اس کو پیس کر ایک چمچ پاؤڈر کو گرم دودھ میں ڈال کر پی لیں۔ یہ رنگ کو نکھارنے اور اسکن پیچز یعنی جلد پر کالے داغوں اور گندگی کے بڑے دھبوں کو صاف کرنے میں آپ کی مدد کرتا ہے۔