زبان پر قابو رکھیں تاکہ دوسرے آپ کو ۔۔ زرنش خان نے نادیہ خان پر طنز کی برسات کردی! پوسٹ وائرل

Zarnish Khan Slams Nadia Khan

پاکستانی شوبز کی سابقہ اداکارہ زرنش خان نے حالیہ دنوں نادیہ خان کو ایسا آئینہ دکھایا ہے کہ سوشل میڈیا پر ہنگامہ برپا ہو گیا ہے۔ معاملہ صرف ایک اختلافی رائے کا نہیں، بلکہ اس دوہرے معیار کا ہے جو اکثر سلیبرٹیز کی گفتگو میں جھلکتا ہے۔

کہانی کا آغاز نادیہ خان کے ایک ویڈیو بیان سے ہوا، جس میں وہ ہانیہ عامر اور بھارتی اداکارہ دلجیت کور کے بارے میں اپنی پچھلی رائے سے پیچھے ہٹتی نظر آئیں۔ ان کا کہنا تھا کہ دلجیت کور کا طرزِ عمل دیکھ کر ان کا نظریہ بدلا ہے، نہ کہ ہانیہ کی وجہ سے۔ اور مزید یہ کہ رائے بدلنا کوئی کمزوری نہیں، بلکہ حقیقت کو قبول کرنے کی ہمت ہے۔

لیکن زرنش خان نے یہ بات ہضم نہیں کی۔ انہوں نے انسٹاگرام اسٹوری پر نادیہ کے بیان کو ری شیئر کرتے ہوئے سیدھا سوال داغا، جب دوسروں پر بات کرو تو ٹھیک، لیکن جب بات خود پر آئے تو برا کیوں لگتا ہے؟

زرنش کا کہنا تھا کہ، نادیہ خان برسوں سے اداکاروں پر کھل کر تبصرے کرتی آئی ہیں، لیکن جیسے ہی ان پر بات ہوئی، ردعمل شروع ہو گیا۔ زرنش نے دو ٹوک کہا،عزت دینا سیکھیں تاکہ عزت ملے۔ اور زبان پر قابو رکھیں تاکہ دوسرے آپ کو آئینہ نہ دکھائیں۔

انہوں نے یہ بھی یاد دلایا کہ کسی کی ذاتی زندگی پر تبصرہ کرنا نہ ہمارا حق ہے، نہ ہی شرافت کا تقاضا۔ اگر ہمیں تنقید سننے کی ہمت نہیں، تو ہمیں دوسروں پر انگلی اٹھانے کا بھی کوئی حق نہیں۔

یہ معاملہ صرف نادیہ خان یا زرنش خان تک محدود نہیں، بلکہ ہر اُس شخص کے لیے لمحۂ فکریہ ہے جو سوشل میڈیا یا میڈیا پلیٹ فارم پر رائے زنی کو ہتھیار سمجھتا ہے۔

سوال اب یہ ہے کیا رائے دینے کا مطلب یہ ہے کہ ہم دوسروں کی حدود پھلانگ جائیں؟ اور کیا جو خود دوسروں پر کھلے لفظوں میں بولے، وہ تنقید سننے کا حوصلہ بھی رکھتا ہے؟

زرنش خان کا یہ پیغام ایک تلخ سچ کو سامنے لاتا ہے: "زبان سب کی ہوتی ہے، لیکن استعمال سب کا ایک جیسا نہیں۔"