کرشمہ کپور کے سابق شوہر سنجے کپور انتقال کر گئے۔۔ موت کی وجہ ایک مکھی تھی؟

Karisma Kapoor Ex Husband Sanjay Kapur Passes Away

ایک افسوسناک خبر نے بھارتی انٹرٹینمنٹ اور بزنس حلقوں کو ہلا کر رکھ دیا—معروف صنعتکار اور کرشمہ کپور کے سابق شوہر، سنجے کپور، 53 برس کی عمر میں اچانک انتقال کر گئے۔

بھارتی میڈیا کے مطابق سنجے کپور انگلینڈ میں پولو میچ کھیل رہے تھے جب اچانک طبیعت بگڑ گئی۔ ابتدا میں سمجھا گیا کہ انہیں دل کا دورہ پڑا، تاہم بعد میں سامنے آنے والے چونکا دینے والے انکشاف نے سب کو حیران کر دیا۔

دراصل ایک شہد کی مکھی ان کے منہ میں چلی گئی تھی، جس کے بعد ان کے گلے میں سوجن اور شدید تکلیف ہوئی، اور یہ ہی جان لیوا ثابت ہوئی۔

یہ غیرمعمولی واقعہ اس وقت پیش آیا جب وہ میدان سے باہر آنے ہی والے تھے، لیکن اچانک دل کا دورہ پڑنے سے وہ گر پڑے اور جانبر نہ ہو سکے۔

سنجے کپور، جو معروف آٹو پارٹس کمپنی سونا کومسٹارکے چیئرمین تھے، ایک کامیاب بزنس مین ہونے کے ساتھ ساتھ کرشمہ کپور کے سابق شوہر بھی رہ چکے ہیں۔ دونوں نے 2003 میں شادی کی تھی، اور اگرچہ ان کا رشتہ زیادہ عرصہ نہ چل سکا، لیکن ان کے دو بچے، سمیرا اور کیان، ہمیشہ ان کے درمیان ایک مضبوط تعلق کا ذریعہ رہے۔

معروف بزنس کنسلٹنٹ سہیل سیٹھ نے ایکس (سابقہ ٹوئٹر) پر سنجے کی موت کی تصدیق کرتے ہوئے گہرے دکھ کا اظہار کیا۔

"ایک زبردست انسان، شاندار ساتھی اور دوست، سنجے کپور کی ناگہانی موت نے دل توڑ دیا ہے۔"

زندگی کبھی کبھار ایک لمحے میں سب کچھ بدل دیتی ہے۔ ایک پُرامن کھیل، ایک چھوٹی سی مکھی، اور ایک دل... اور وہ شخص جو کل تک زندگی سے بھرپور تھا، آج صرف یادوں میں رہ گیا۔