نزلے اور کھانسی میں زیرے کے کمالات۔۔ عام سے مصالحے کے بے شمار فائدے جو کریں آپ کی بڑی مشکل آسان

زیرہ قدیم زمانے سے برصغیر پاک و ہند میں مصالحے کے طور پر استعمال ہورہا ہے۔ حکیم اسے دوائیوں کے لئے بھی استعمال کرتے ہیں البتہ مغرب میں ہونے والی جدید تحقیق نے بظاہر اس عام سے مصالحے کی اہمیت کو کئی گنا بڑھا دیا ہے کیوں کہ اب اس کے ایسے فائدے سامنے آئے ہیں جو پہلے لوگوں کی نظروں سے پوشیدہ تھے۔

زیرہ کی غذائی اہمیت

زیرہ میں زیرے میں آئرن، اینٹی آکسیڈنٹ اور اینٹی ایفلامینٹری خصوصیات کے علاوہ وٹامن ای، وٹامن اے اور وٹامن سی کی بڑی مقدار پائی جاتی ہے اس کے علاوہ وٹامن بی 6، تھیامن، رائبوفلیون اور نیاسن بھی موجود ہوتا ہے۔

نزلہ زکام اور سردی

اس عام مرض سے چھٹکارا حاصل کرنا چاہتے ہیں تو زیرے کی چائے پینا دن میں ایک بار معمول بنا لیں۔ یہ چائے آپ کو سردی کے اثرات اور نزلہ زکام سے بچائے گی۔ ایک گلاس پانی میں ایک چمچ زیرہ ڈال کر کچھ دیر پکائیں۔ چاہیں تو ادرک اور دار چینی کا ٹکڑا بھی ڈال لیں اور شہد ملا کر پی جائیں۔

وزن میں کمی

اگر سردی میں حلوہ زیادہ کھا لیا تو بھی زیرہ کام آسکتا ہے۔ نیم گرم پانی کے ساتھ چند دانے زیرہ کے ملا کر پی جائیں۔ چربی تیزی سے پگھلنے لگے گی۔

دانت کا درد

دانتوں میں تکلیف محسوس ہو تو زیرے کا قہوہ بنا کر کلیاں کریں۔ تھوڑی دیر میں درد میں آرام آجائے گا۔

بلڈ پریشر

زیرہ بلڈ پریشر اور ذیابیطس کے امراض میں مفید ہے مگر اس کا استعمال اعتدال میں کریں اور مریض ایک چٹکی سے زائد ہر گز نہ استعمال کریں۔

ہاضمہ بہتر

الٹی، متلی یا معدے میں تیزابیت محسوس ہو تو زیرہ کو دہی میں ملا کر کھائیں۔ یہ نظام ہاضمہ تیز کرے گا اور طبعیت فوری طور پر ہلکی کردے گا۔

By Khush Bakht  |   In Health and Fitness  |   0 Comments   |   1437 Views   |   02 Dec 2022
Related Articles
Top Trending
Comments/Ask Question

Read Blog about نزلے اور کھانسی میں زیرے کے کمالات۔۔ عام سے مصالحے کے بے شمار فائدے جو کریں آپ کی بڑی مشکل آسان and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (نزلے اور کھانسی میں زیرے کے کمالات۔۔ عام سے مصالحے کے بے شمار فائدے جو کریں آپ کی بڑی مشکل آسان) and how to utilize other natural ingredients to cure diseases, easy recipes, and other information related to food from KFoods.