ویکس اور تھریڈنگ کے بعد اگر جلد کالی ہو جاتی ہے تو ۔۔۔۔ جانیں وہ 3 ٹپس جو جلد کو کالا ہونے سے بچائے!

ویکس یا تھریڈنگ کرنے کے بعد اکثر خواتین کی جلد کالی ہو جاتی ہے اس پر ویکس کے نشانات بھی پڑ جاتے ہیں اور جلد ہی وہ نشان جلد کے کالے ہونے کی ایک وجہ بنتے ہیں جس کی وجہ سے صاف ستھری، نرم و ملائم جلد کی خوبصورتی ماند پڑ جاتی ہے۔ اگر آپ کے ساتھ بھی یہ مسئلہ ہے تو جانیں 3 ایسی آسان ٹپس جن کے استعمال سے آپ کی جلد بھی صاف ہو جائے گی اور رنگت بھی نکھر جائے گی۔

٭ ہلدی:

ہلدی اینٹی آکسیڈنٹ ہوتی ہے جس میں وٹامن سی اور ای پایا جاتا ہے یہی وجہ ہے کہ ہلدی ہماری رنگت کو نکھارنے میں مدد دیتی ہے۔

ٹپ

ایک چمچ ہلدی اور ایک چمچ شہد کو اچھی طرح مکس کرلیں اور تھوڑا سا گلاب کا عرق شامل کر کے پیسٹ تیار کریں اور جس جگہ ویکس کیا ہے اس جلد پر لگا کر چھوڑ دیں، بیس منٹ بعد جب وہ خشک ہو جائے تو نیم گرم پانی سے دھو کر کپڑے سے صاف کرلیں۔ یہ ٹپ دو دن تک کریں اور پھر اگلی دفعہ ویکس یا تھریڈ کرنے کے بعد دوبارہ دو دن تک کریں اس سے جلد کالی نہیں ہوگی۔

٭ لیموں:

لیموں میں ایسٹک ایسڈ اور وٹامن سی پایا جاتا ہے جو اس مسئلے کو حل کرنے میں آپ کی مدد کرسکتا ہے۔

ٹپ

ایک لیموں کے رس کو دو چمچ دہی میں مکس کریں اور اس پیسٹ کو جلد پر لگا لیں، چونکہ دہی اینٹی آکسیڈنٹ ہے اور لیموں کے ساتھ مل کر یہ کالی جلد کو نکھارنے میں مدد دیتی ہے۔

٭ آلو:

آلو میں وٹامن سی، بی-6 اور سوڈیئم پایا جاتا ہے جو رنگ صاف کرنے اور جلد کے مردہ خلیات کو نکالنے کا کام کرتا ہے۔

ٹپ

ایک آلو کا رس نکا لیں اور اس کو جلد پر لگائیں خشک ہونے پر ایک روئی کی مدد سے صاف کریں اور تھوڑا سا پھٹکری کا پانی لگا کر خشک ہونے دیں، اس کے بعد نیم گرم پانی سے دھو لیں۔

By Zarmina    |    In Beauty and Skin Care   |    0 Comments    |    1032 Views    |    11 Dec 2021

Comments/Ask Question

Read Blog about ویکس اور تھریڈنگ کے بعد اگر جلد کالی ہو جاتی ہے تو ۔۔۔۔ جانیں وہ 3 ٹپس جو جلد کو کالا ہونے سے بچائے! and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ویکس اور تھریڈنگ کے بعد اگر جلد کالی ہو جاتی ہے تو ۔۔۔۔ جانیں وہ 3 ٹپس جو جلد کو کالا ہونے سے بچائے!) and how to utilize other natural ingredients to cure diseases, easy recipes, and other information related to food from KFoods.