کھانسی آئی تو پتا چلا کہ ۔۔ ناک میں بالی پہننے والے اس شخص کے ساتھ ایسا کیا ہوا جو سب کے لئے سبق بن گیا؟

خواتین تو زیورات کی شوقین ہوتی ہی ہیں لیکن کچھ مرد حضرات بھی کان یا ناک میں بالی پہننا پسند کرتے ہیں۔ یہاں ہم ایسا واقعہ بتانے جارہے ہیں جس کے بعد چاہے مرد ہو یا عورت ، زیورات پہننے میں احتیاط برتیں گے۔

امریکا سے تعلق رکھنے والے جوائے لائکنس کا کہنا ہے کہ کچھ ہفتے پہلے انھیں آدھی رات میں اچانک سانس لینے میں تکلیف شروع ہوئی جس کے بعد مسلسل کھانسی ہونے لگی۔ شدید تکلیف برداشت کرتے اگلی صبح وہ اسپتال پہنچے اور ایکسرے کروایا تو ڈاکٹر کا انکشاف سن کر جوائے کے ہوش ہی اڑ گئے۔ ڈاکٹر کا کہنا تھا کہ ان کے پھیپھڑوں میں مڑے ہوئے تار جیسی چیز پھنسی ہوئی ہے۔

ناک کی بالی جسم کے کس حصے میں تھی؟

ڈاکٹر کا لایا ہوا اسکین دیکھ کر جوائے کو پتہ چلا یہ چیز کچھ اور نہیں بلکہ ان کی وہ بالی تھی جو وہ ناک میں پہنا کرتے تھے اور وہ سالوں پہلے کھو گئی تھی۔ ڈاکٹر نے جوائے کو بتایا کہ سانس لینے کے دوران وہ بالی کسی وقت ان کے پھیپھڑوں میں چلی گئی تھی اور انھیں پتہ بھی نہی چلا لیکن اب اسے نکالنے کے لئے سرجری کرنی پڑے گی ورنہ ان کی جان کو بھی خطرہ ہوسکتا ہے۔

ناک کے زیور پہننے میں احتیاط برتیں

جوائے کی ایمرجینسی میں سرجری کر کے ناک کی بالی نکال دی گئی ہے لیکن یہ واقعہ ایسے افراد کے لئے سبق ہے جو زیور پہننے کے معاملے میں لاپروائی برتتے ہیں۔ بہتر ہے کہ ناک کے زیور سونے سے پہلے اتار دیئے جائیں۔

By Khush Bakht  |   In News  |   0 Comments   |   2261 Views   |   27 Sep 2022
Related Articles
Top Trending
Comments/Ask Question

Read Blog about کھانسی آئی تو پتا چلا کہ ۔۔ ناک میں بالی پہننے والے اس شخص کے ساتھ ایسا کیا ہوا جو سب کے لئے سبق بن گیا؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کھانسی آئی تو پتا چلا کہ ۔۔ ناک میں بالی پہننے والے اس شخص کے ساتھ ایسا کیا ہوا جو سب کے لئے سبق بن گیا؟) and how to utilize other natural ingredients to cure diseases, easy recipes, and other information related to food from KFoods.