جانیں براؤن شوگر استعمال کرنے میں خوبصورتی کے کونسے ایسے 5 راز چھپے ہیں جنہیں اپنا کر آپ پا سکتی ہیں نکھرا چہرہ وہ بھی گھر میں

کچن میں موجود اکثر چیزوں سے ہم خوبصورتی کی ٹپس جان کر انہیں استعمال کرتے ہیں براؤن شوگر انہیں میں سے ایک ہے، آج ہم آپ کو بتائیں گے کہ براؤن شوگر کو آپ کس طرح استعمال کر کے نکھرا اور کھِلا کھِلا چہرہ پا سکتی ہیں۔

اسکرب:

براؤن شوگر چہرے کے مسام میں جذب ہو کر اسکن سیلز کو گہرائی سے صاف کرتی ہے اور نئے اسکن سیلز بنانے میں مدد کرتی ہے، یہ چہرے سے گردوغبار دور کرتی ہے اور گہرائی سے صفائی کرتی ہے۔

موسچرائز:

براؤن شوگر چہرے کو نرم و ملائم بناتی ہے اور نمی فراہم کرتی ہے، اس کے مساج سے چہرے میں نمی لاک ہو جاتی ہے اور حساسیت دور ہوتی ہے۔

داغ دھبے:

براؤن شوگر کو سے چہرے پر مساج کرنے سے دانوں کی وجہ سے آنے والے داغ اور دھبے دور ہوتے ہیں، اس کے استعمال سے چہرے کی رنگت نکھرتی ہے۔

دانے نکلنے سے روکے:

براؤن شوگر جلد میں موجود بیکٹیراز کو ختم کر دیتی ہے اور اس کی وجہ سے دوبارہ دانے نکلنے میں کمی آتی ہے، یہ کھلے مسام بند کر کے انہیں دوبارہ کھُلنے سے روکتی ہے، اس کا ماسک لگانے سے دانے نہیں نکلتے۔

براؤن شوگر کے استعمال کا طریقہ:

شہد اور براؤن شوگر:

ایک چمچ شہد اور ایک چمچ براؤن شوگر ملا کر اس میں کوئی بھی ایسینشل آئل مکس کر کے اگر چہرے اور گردن پر آہستہ آہستہ مساج کیا جائے تو ڈیڈ اسکن سیلز دور ہوں گے اور چہرے کی ر نگت نکھرے گی۔

کھوپرے کا تیل اور براؤن شوگر:

اگر براؤن شوگر کو کھوپرے کے تیل میں برابر مقدار میں مِلا کر چہرے کا مساج کیا جائے تو اس سے اسکن سافٹ ہو گی اور گہرائی سے جلد کی صفائی ہو گی۔

دودھ یا ایلوویرا:

براؤن شوگر میں ایلوویرا جیل یا پھر دودھ برابر مقدار میں مِلا کر چہرے پر اس کا ماسک لگائیں۔