طب نبویﷺ سے کریں جگر کی بیماریوں کا علاج،آسان نسخہ آزمائیں اور بیماریوں سے نجات پائیں۔۔۔

ہمارے کھانے پینے کی غلط عادات کی وجہ سے اور کھانے پینے کی چیزوں میں بے تحاشہ ملاوٹ کی بناء پراس وقت لوگ طرح طرح کی بیماریوں میں مبتلا ہیں۔ان بیماریوں میں ہیپاٹائٹس ،جگر کا ورم، جگر کی خرابی اور اسی طرح کی دوسری بیماریاں عام ہوتی جارہی ہیں۔ ان بیماریوں کا علاج مہنگا ہونے کے ساتھ ساتھ طویل بھی ہے۔ طب نبوی میں ہر بیماری کا علاج موجود ہے ،اگر اس کو اپنی زندگی کا لازمی جزو بنا لیا جائے توہماری زندگی میں کافی حد تک آسانی پیدا ہو جائے گی۔ آج ہم نبی کریمﷺ کی پسندیدہ سبزی لوکی (کدو) سے ایک مزیدار رائتہ بنا رہے ہیں جو کہ حکیم آغا نے ہمیں بنا کر بتایا اس کا استعمال جگر کی ہر قسم کی بیماری میں فائدہ پہنچاتا ہے۔ کدو ایک ہلکی غذا ہے ، جو زود ہضم ہے اور دوسری غذاؤں کو بھی جلد ہضم کرتا ہے۔بخار کے مریضوں کے لئے بے حد مفید ہے ۔ پیاس کو کم کرتا ہے ۔ گرمی کے سر درد کو دور کرتا اور پیٹ کو نرم رکھتا ہے۔
حدیث مبارکہ میں آتا ہے کہ رسول ﷺ نے فرمایا :
تمھارے لئے کدو موجود ہے یہ دماغ کی صلاحیت بڑھاتا ہے۔(سلسلہ الاحادیث الضعیفہ1608)
کدو کا پانی جوڑوں پر ملنے سے جوڑوں کے درد میں آرام آتا ہے۔ کدو کے ساتھ سرکہ ملا کر کھانے سے جسم کے غلیظ مادے نکل جاتے ہیں ۔ اگر اسے بہی (سفرجل ) کے ساتھ ملاکر کھایا جائے تو جسم کو عمدہ غذائیت ملتی ہے۔ کدو کو کھانڈ کے ساتھ ملا کر پکا کر دینے سے جنون اور خفقان میں فائدہ ہوتا ہے۔حضرت انس مالک ؒ بیان کرتے ہیں کہ ایک درزی نے رسول ﷺ کی دعوت کی اور اس نے جو کی روٹی کے ساتھ کدو گوشت پکایا۔ حضور ﷺ بڑی محبت کے ساتھ سالن سے کدو کے ٹکڑے تلاش کرکے تناول فرماتے رہے۔(بخاری 5397)

لوکی کا رائتہ:

لوکی(ابلی ہوئی) 3 سے 4 ٹیپل اسپون اس کو سلائس کر لیں
دہی ایک پاؤ
ہری مرچ ایک سے دو عدد
ان تمام اجزاء کو بلینڈرمیں ڈال کر بلینڈ کر لیں،اب اس میں حسب ذائقہ نمک ملا لیں۔تھوڑی سی کچی پیاز کاٹ کراس میں ڈال دیں۔اب اوپر سے زیرہ،کڑی پتہ،گول لال مرچ کا بگھار لگا دیں۔مزیدار رائتہ تیار ہے ۔اس سے جسم کی گرمی بھی دور ہوتی ہے اور معدے اور جگی کی گرمی اور تبخیر بھی دور ہوتی ہے۔

By Afshan    |    In Health and Fitness   |    0 Comments    |    1404 Views    |    22 Feb 2022

Related Articles

Comments/Ask Question

Read Blog about طب نبویﷺ سے کریں جگر کی بیماریوں کا علاج،آسان نسخہ آزمائیں اور بیماریوں سے نجات پائیں۔۔۔ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (طب نبویﷺ سے کریں جگر کی بیماریوں کا علاج،آسان نسخہ آزمائیں اور بیماریوں سے نجات پائیں۔۔۔) and how to utilize other natural ingredients to cure diseases, easy recipes, and other information related to food from KFoods.