تازہ میتھی گھر میں کیسے اگائیں؟ اعصابی تھکن اور خون کی بھی دور کرے! موسم کی سبزی میتھی کے 5 زبردست فائدے

موسم سرما میں ہرے پتے والی سبزیاں کثرت سے ملتی ہیں۔ میتھی بھی ان ہی سبزیوں میں سے ایک ہے۔ اس سبزی سے بہت سی مزیدار ڈشز بنتی ہیں جیسے کہ آلو میتھی، میتھی قیمہ۔ میتھی کے پراٹھے اور میتھی گوشت۔ آج کے اس آرٹیکل میں آپ کو بتایا جائے گا کہ کس طرح اس لذیذ سبزی کو گھر میں ہی اگایا جاسکتا ہے اور اس کے کیا فائدے ہوتے ہیں۔

اگانے کا طریقہ

2 چمچ میتھی دانہ لیں اور کسی گملے میں بکھیر کر اوپر سے ڈیڑھ انچ مٹی کی تہہ ڈال دیں کہ دانے پوری طرح ڈھک جائیں۔ اب اس مٹی پر اسپرے کی صورت پانی ڈال دیں۔ چند دنوں میں کونپلیں پھوٹ پڑیں گی اور تقریباً 1 مہینے میں میتھی کے پتے کھانے لائق ہوجائیں گے۔ میتھی کو جڑ سے نہیں بلکہ اوپر سے کاٹ کر الگ کر لیں۔

میتھی کی غذائی اہمیت

ہری میتھی میں پروٹین، وٹامن بی 6، میگنیشیم، وٹامن سی، آئرن، کیلشیم، کوبالامن، فائبر اور میگنیز پایا جاتا ہے۔

میتھی کے فائدے

میتھی کا جوشاندہ بنا کر پینے سے سینے کے امراض، گلے کا درد، خشک اور بلغم والی کھانسی کم ہوتی ہے۔ دودھ پلانے والی ماؤں کے لئے فائدہ مند ہے۔ جن لوگوں کو بھوک کم لگتی ہو میتھی ان کی بھوک کھولتی ہے۔ قبض کشا ہے اور نظام ہاضمہ کو مظبوط کرتی ہے۔ میتھی کمزور جسم کے افراد کے لئے ٹانک کا کام کرتی ہے۔ اس لئے اس سبزی کو سردی کے موسم میں زیادہ سے زیادہ استعمال کرنا چاہیے۔