میرے چہرے پر داڑھی ہے، لیکن میں مرد نہیں ۔۔ نوجوان لڑکی نے داڑھی رکھنے کی کیا انوکھی وجہ بتائی؟

مرد کے جسم پر بال ہوں، اس کی داڑھی ہو تو وہ مرد لگتا ہے لیکن اگر کسی عورت کے جسم پر اضافی بال ہوں یا چہرے پر مردوں کی داڑھی کی طرح موٹے بال دکھائی دیں تو اس کا ہر کوئی مزاق اڑانے لگتا ہے۔ نوجوان لڑکیوں کو تو سب سے زیادہ تنقید کا نشانہ بنایا جاتا ہے۔ لیکن ایک ایسی بھی نوجوان لڑکی ہے جس کے منہ پر باقاعدہ مردؤں کی طرح بڑی سی داڑھی ہے اور اب وہ اسی کے ساتھ پہچانی جاتی ہے۔

جب ہرنام کور 16 سال کی تھیں تب پتہ چلا کی انہیں پالی سِسٹك سنڈروم ہے جس کی وجہ سے جسم پر بے تحاشہ بال پیدا ہونے لگتے ہیں۔ لوگوں نے اس کو خوب تنیقد کا نشانہ بنایا اور وہ ویکسنگ اور تھریڈنگ کروا کروا کر تھک گئی تو اس نے بال ہٹوانے ہی چھوڑ دیے اور اب داڑھی کے ساتھ ہی گھومتی ہے۔

ہرنام کہتی ہیں: " کئی سالوں تک مجھے ہراساں کیا گیا ان بالوں کی وجہ سے، میں نے خؤدکشی کی کوشش بھی کی مگر پھر ایک دن سوچا اب یہی بال میری پہچان بنیں گے اور یہ وہ وقت تھا جب میں نے کہا کہ میں اپنی زندگی کی کمان اپنے ہاتھ میں لوں اورپھر ویسے جینا شروع کیا جیسے میں چاہتی ہوں۔ مجھے اپنی داڑھی سے بہت محبت ہے۔میں نے اپنی داڑھی کو ایک پروفائل دیا ہے جو مرد کی نہیں عورت کی داڑھی ہے۔"

وجہ کیا؟

ہرنام کو شدید قسم کی hirsutism نامی بیماری ہے جو دراصل بیماری نہیں ہے بلکہ ایک ایسی جسمانی حالت ہے جس میں خواتین کے جسم میں مردانہ ہارمونز کی زیادتی سے جسم پر اضافی بال نکل آتے ہیں۔