پیٹ کی چربی پگھلانا چاہتے ہیں تو۔۔ تربوز کے شربت میں ایک چٹکی یہ چیز ڈالیں، اور ڈھیروں فائدے اٹھائیں

Tarbooz Me Gond Katira Milane Ke Fayde

گرمی کی تپتی دوپہروں میں اگر کوئی ایک چیز واقعی سکون دے سکتی ہے تو وہ ہے ایک قدرتی، ٹھنڈا اور تازگی بھرا مشروب — جو ہے تربوز کا شربت۔

لیکن اگر تربوز کو گوند کتیرا کے ساتھ ملایا جائے تو یہ ایک طاقتور مشروب بن جاتا ہے۔ یہ مشروب ہاضمے کو بہتر کرتا ہے، قبض دور کرتا ہے، آنتوں کو صاف رکھتا ہے اور وزن گھٹانے میں مدد دیتا ہے۔

پانی سے بھرپور تربوز — گرمیوں کا سپر اسٹار

ہولیسٹک ہیلتھ کوچ ایشا لال کہتی ہیں کہ، تربوز میں 90 فیصد سے زائد پانی ہوتا ہے، جو نہ صرف جسم کو ہائیڈریٹ رکھتا ہے بلکہ اس میں چھپے وٹامنز اور منرلز (جیسے وٹامن سی، اے، بی6، آئرن، میگنیشیم، پوٹاشیم) اسے مکمل سپر فوڈ بناتے ہیں۔ گرمی میں پانی کی کمی دور کرنی ہو یا تھکن کو الوداع کہنا ہو، تربوز بہترین انتخاب ہے۔

گوند کتیرا — قدرت کا اینٹی انفلیمیشن فارمولا

دوسری جانب، گوند کتیرا ایک قدرتی جیل ہے جو اینٹی سوزش خصوصیات سے بھرپور ہے۔ ڈاکٹر سومناتھ گپتا کے مطابق، یہ جسم کی اندرونی سوزش کم کرتا ہے، جلد کو نمی دیتا ہے، رنگت نکھارتا ہے اور ہاضمہ بھی بہتر بناتا ہے۔

جب یہ دونوں ملیں… بنے ہیلتھ کا ہیرو

جب تربوز جیسا ہائیڈریٹنگ پھل اور گوند کتیرا جیسا فائبر سے بھرپور جز ملیں، تو تیار ہوتی ہے ایک زبردست نیچرل انرجی ڈرنک، جو جسم کو ٹھنڈک، توانائی اور راحت بخشتی ہے، خاص طور پر ان دنوں میں جب گرمی برداشت سے باہر ہو جائے۔

مگر احتیاط بھی ضروری ہے

گوند کتیرا کا زیادہ استعمال بعض اوقات اپھارہ یا اسہال جیسی شکایات پیدا کر سکتا ہے، خاص طور پر ان لوگوں میں جو فائبر حساسیت رکھتے ہیں۔ اگر آپ کو پہلے سے کوئی الرجی ہے یا آپ حاملہ/دودھ پلانے والی ماں ہیں تو اس مشروب کو روزانہ پینے سے پہلے ماہرِ صحت سے مشورہ ضرور کریں۔

کب پینا ہے؟ صحیح وقت، صحیح فائدہ

صبح 10 سے 12 بجے: ہلکے ناشتے کے طور پر

دوپہر کے کھانے سے پہلے: ہاضمہ بہتر بنانے کے لیے

شام 5 بجے سے پہلے: دن بھر کی تھکن اتارنے کے لیے

رات کو یا سونے سے قبل اس مشروب سے پرہیز کریں، کیونکہ اس کا اثر ہاضمے پر پڑ سکتا ہے۔

کیا آپ نے کبھی تربوز گوند کتیرا ڈرنک آزمایا؟ اگر نہیں، تو یہ گرمی ضرور آزمائیں اور فرق خود محسوس کریں