سوشل میڈیا نے پرائیوسی ختم کردی ہے۔۔ ناموراداکارہ شہناز شیخ سوشل میڈیا کے حوالے سے کیا کہتی ہیں؟ دیکھئے

شہناز شیخ پاکستانی شوبز انڈسٹری کا ایک بہت بڑا نام رہی ہیں جنہوں نے سوشل میڈیا سے متعلق گفتگو کی۔

سینئر اداکارہ شہناز شیخ کا کہنا ہے کہ میں شکر کرتی ہوں کہ ہمارے وقت میں سوشل میڈیا نہیں تھا۔

برطانوی نشریاتی ادارے کو انٹرویو میں پاکستانی ڈراموں کی نامور آرٹسٹ شہناز شیخ نے کہا کہ آج کل کے لوگ سوچ بھی نہیں سکتے ہم نے جو کھلی ڈلی زندگی گزاری ہے۔

شکرکرتی ہوں کہ ہمارے وقت میں سوشل میڈیا نہیں تھا۔ اس سے پرائیوسی ختم ہوگئی ہے لیکن بہت معلومات ملتی ہیں۔ مجھے سوشل میڈیا استعمال کرکے بڑا مزا آتا ہے میں اس کے بغیر رہ نہیں سکتی۔

شہناز شیخ کا مزید کہنا تھا مجھے ہٹ ڈرامہ سیریل ” ان کہی” کی ایک قسط کے 800 روپے ملتے تھے اور یہ اس وقت کا سب سے زیادہ معاوضہ تھا۔ ” ان کہی” ہٹ ہونے کے بعد ” تنہائیاں” میں معاوضہ ایک ہزار روپے فی قسط کردیا گیا تھا۔ کپڑوں، میک اپ اور دیگر اخراجات ہمیں خود اٹھانے ہوتے تھے۔

سینئیر اداکارہ کا کہنا تھا کہ آج کل ڈراموں میں رونا دھونا دکھایا جاتا ہے اور ساس بہو کے درمیان تنازع دکھایا جاتا ہے۔ ایسا اس لیے ہے کیونکہ لوگ رونا دھونا دیکھناپسند کرتے ہیں۔