بیوی بن گئیں لیکن برداشت نہیں آئی۔۔ وکی کوشل نے پہلی بار کترینہ کی برائی کرتے ہوئے کیا کہا؟ دیکھیں

Vicky Kaushal Talks About Katrina Kaif

بالی وُڈ کے اسٹائلش اور باصلاحیت اداکار وکی کوشل نے انڈسٹری میں اپنے شاندار 10 سال مکمل کر لیے ہیں، جب کہ کرینہ کپور نے پچیس سالہ فلمی سفر کا سنگ میل عبور کر لیا ہے۔ اس موقع پر ایک خصوصی نشست میں دونوں اسٹارز آمنے سامنے آئے اور اپنی پروفیشنل اور پرسنل لائف کے دلچسپ پہلوؤں پر کھل کر بات کی۔

باتوں باتوں میں وکی کوشل نے اپنی نجی زندگی کا ایک مزاحیہ مگر حقیقت سے بھرپور پہلو شیئر کیا۔

انہوں نے ہنستے ہوئے انکشاف کیا کہ، کترینہ کیف نہ صرف ان کی اداکاری پر کھری کھری رائے دیتی ہیں بلکہ کبھی کبھار ایسی بے لاگ تنقید کر جاتی ہیں کہ دل پر سیدھی لگتی ہے۔ تاہم، مزے کی بات یہ ہے کہ جب ان کی اپنی پرفارمنس کی بات ہو تو وہ تنقید کو کچھ زیادہ خوش دلی سے قبول نہیں کرتیں۔

وکی نے بتایا، کترینہ بہت سچی بات کرنے والی ہیں۔ اگر فلم میں کچھ کمزور ہو تو وہ بغیر کسی لگی لپٹی کے بتا دیتی ہیں، لیکن ہاں، جب ان کی باری آئے تو وہ چاہتی ہیں کہ پہلا ردعمل ہمیشہ سراہنے والا ہو۔

یہ سن کر کرینہ نے ہنستے ہوئے کہا، میں بھی چاہتی ہوں کہ سیف تھوڑی تنقید برداشت کرنا سیکھیں۔ جس پر وکی فوراً بولے، پھر تو ہمارے گھروں میں ایک جیسی صورتحال ہے۔

سوشل میڈیا پر وکی کوشل کے اس انکشاف نے خوب ہلچل مچا دی۔ صارفین نے مزاحیہ انداز میں کترینہ کیف کے "دوہرے معیار" پر تبصرے شروع کر دیے۔

ایک صارف نے لکھا، تنقید بانٹنے والوں کو خود بھی سننے کا حوصلہ رکھنا چاہیے۔

ایک اور نے تبصرہ کیا، کترینہ ہمیشہ تھوڑی حساس رہی ہیں، خاص طور پر جب بات ان پر آئے۔

کسی نے تو مزاحیہ انداز میں یہاں تک کہہ دیا، کترینہ اس دوست جیسی ہیں جو ہر ایک پر طنز کے تیر چلاتی ہے، لیکن جیسے ہی کوئی اس پر ہنسے تو موڈ خراب ہو جاتا ہے۔

یاد رہے کہ وکی کوشل کی آخری فلم چھاوا سال 2025 کے آغاز میں ریلیز ہوئی تھی، جس نے باکس آفس پر دھوم مچائی، جب کہ کترینہ کیف کو میری کرسمس میں آخری بار 2024 میں دیکھا گیا تھا۔

بالی وُڈ کے یہ ہنستے مسکراتے لمحے ایک بار پھر یاد دلاتے ہیں کہ ستارے بھی ہماری طرح ہی ہوتے ہیں — تھوڑے حساس، تھوڑے جذباتی، اور تنقید کے معاملے میں کبھی کبھار تھوڑے چنچل بھی۔