صحت کے لئے کونسے تیل کا استعمال مفید ہے؟ جانیئے وہ تیل اور ان کا استعمال جو آپ کی صحت کے لئے بے حد فائدے مند ہیں

تیل کا غیر متنازعہ بادشاہ یقینی طور پر زیتون کا تیل رہا ہے اور اس کی مختلف خصوصیات کی وجہ سے یہ سب سے زیادہ فائدے مند قرار دیا جاتا ہے، لیکن چند سالوں سے کچھ نئی تحقیقات کی روشنی کی بِنا پر مختلف دوسرے تیل بھی غذائی اعتبار سے زیتون کے تیل کی طرح فائدے مند قرار دیئے جا رہے ہیں۔
دلچسپ بات یہ ہے کہ یہ مختلف تیل ہماری نانی کے زمانے کے بعد سے روایتی ہندوستانی باورچی خانے میں ہی رہے ہیں اور اب ماہرینِ صحت اور غذائیت کے کا کہنا ہے کہ روزانہ کھانا پکانے میں ان کا استعمال کرنا چاہئ، وہ کونسے مختلف تیل ہیں اور ان کے کیا فوائد ہیں یہ آج ہم آپ کو بتائیں گے۔
ماہرین صحت کا کہنا ہے کہ زیتون کا تیل صحت کے لئے مفید ضرور ہیں لیکن زیتون کے تیل کے استعمال کی بھی حدود ہیں اور یہ بھی اگر ضرورت سے زیادہ استعمال کیا جائے تو نقصان دہ ہو سکتا ہے، لہذا مختلف تیلوں کے بارے میں جاننا بہتر ہے۔

• صحت کے لئے مختلف تیلوں کا استعمال

• چاول کی چوکر کا تیل

چاول کی چوکر کے تیل میں لیپوک ایسڈ ہوتا ہے جو بلڈ شوگر کی سطح کو مستحکم کرتا ہے اور زیادہ شوگر کے ذریعہ جسم میں ہونے والے نقصان کو کم کرتا ہے، اس کا استعمال آپ کی مجموعی صحت کو فروغ دینے کے ساتھ ساتھ آپ کا کولیسٹرول بھی متوازن رکھتا ہے۔
اس تیل کو مختلف پکوان کو فرائی کرنے اور سبزیاں گوشت وغیرہ پکانے کے لئے بھی استعمال کیا جا سکتا ہے اس کا ذائقہ اخروٹ کی گری جیسا ہوتا ہے اور اسے سلاد وغیرہ میں بھی استعمال کیا جا سکتا ہے۔

• ناریل کا تیل

ہندوستان کی جنوبی ریاستوں نے ہمیشہ کھانا پکانے کے لئے ناریل کا تیل استعمال کیا ہے ، لیکن بہت سے لوگوں کے لئے یہ کاسمیٹک خصوصیات اور ہیئر آئل کے طور پر مشہور ہے، ایشیا میں اسے بہت بہترین خصوصیات والا تیل مانا جاتا ہے یہ تیل کھانا پکانے کے ساتھ ساتھ مختلف ادویات، بالوں اور جلد کی نگہداشت کے لئے بھی استعمال کیا جاتا ہے۔
ناریل کا تیل آپ کا میٹابولزم بڑھانے اور بھوک کم کرنے کے لئے مفید ہے یہ کئی قسم کے جلد کے امراض کو دور کرنے کے لئے بھی بہترین قرار دیا جاتا ہے، مختصر یہ کہ اس کا کھانوں میں استعمال بے حد مفید ہے۔

• تِل کا تیل

تِل کا تیل ایک قدیم زمانے سے ہی کھانوں میں استعمال ہونے والے سب سے مشہور تیل میں سے ایک سمجھا جاتا ہے، تل کے تیل میں وٹامن ای، بی 6، میگنیشیم، کیلشیم اور آئرن کی اعلی سطح ہوتی ہے، تِل کے تیل کا استعمال ہائی بلڈ پریشر اور کولیسٹرول کو کم کرنے میں مددگار ثابت ہوتا ہے اور اس سے خاص طور پر ذیابیطس کے مریضوں کو فائدہ ہوتا ہے۔

السی کے بیج کا تیل

السی کے بیجوں کا تیل غذائی اعتبار سے بہترین ہے اس میں اومیگا 3 اور فیٹی ایسڈ کی بڑی مقدار موجود ہوتی ہے اس کو اگر کھانوں استعمال کیا جائے تو ہاضمہ بہتر ہوتا ہے لیکن اس کو زیادہ پکنے والے کھانوں میں استعمال نہیں کیا جا سکتا، یعنی اس کو سلاد میں اور بنا پکائے جانے والی غذاؤں میں استعمال کرنا مفید ہے۔
السی کے بیجوں کے تیل کو براہِ راست استعمال کرنا چاہیئے، اسے سلاد، سوپ، سبزیوں اور دہی میں اوپر سے ڈال کر استعمال کرنا فائدے مند ہے۔

• احتیاطی تدابیر

• یہ بات ہمیشہ یاد رکھیں کہ کوئی بھی تیل جب آگ پر پکایا جائے تو گرم ہونے پر اس کی رنگت، ذائقے اور اس کی خصوصیات میں تبدیلی آتی ہے۔
• اگر تیل کو ضرورت سے زیادہ پکایا جائے اور زیادہ درجہ حرارت ملے تو اس میں موجود غذائیت ختم ہو جاتی ہے۔
• ہر تیل میں مختلف قسم کے فیٹس ہوتے ہیں اس لئے تیل کا استعمال بھی اگر ماہرین صحت و غذائیت کے مشورے سے کیا جائے تو بہتر ہوگا۔