خانہ کعبہ کے اندر اس صندوق میں کیا رکھا ہے؟ جانیں اس سے متعلق اہم معلومات

دنیا بھر کے مسلمان خانہ کعبہ کی جانب رخ کر کے نماز پڑھتے ہیں کیوں کہ یہ اللہ کا گھر ہونے کی وجہ سے قبلہ بھی ہے۔ سادہ سی اس عمارت پر جیسے کائنات کا تمام نور سمٹا ہوا محسوس ہوتا ہے۔ مسلمان خانہ کعبہ سے محبت تو بہت کرتے ہیں لیکن بہت کم لوگ جانتے ہیں کہ یہ عمارت اندر سے کیسی دکھائی دیتی ہے اور اس میں کیا کیا موجود ہے۔ تو چلیں آج ہم آپ کو بتاتے ہیں خانہ کعبہ میں موجود چند چیزوں کے بارے میں اہم معلومات۔

ماربل کا صندوق

اس ماربل کے صندوق میں خانہ کعبہ کو معطر کرنے کے لئے عود اور دنیا کی بہترین خوشنویات رکھی جاتی ہیں۔ اس صندوق کو سال میں 2 بار کھولا جاتا ہے جب خانہ کعبہ کی صفائی ہوتی ہے۔ اس کے علاوہ اس میں خانہ کعبہ کی صفائی کے لئے عرقِ گلاب اور آبِ زم زم بھی رکھا جاتا ہے۔

خانہ کعبہ کے اندر موجود برتن

خانہ کعبہ کی دیواروں پر چاروں طرف سفید ماربل لگے ہیں جبکہ بیچ میں اوپر کی جانب کچھ برتن لٹکے ہوئے ہیں۔ یہ برتن دراصل عود و عنبر اور دیگر خوشبویات سلگانے کے لئے استعمال ہوتے ہیں۔

قیمتی نوادرات

البتہ “العربیہ“ کے مطابق ان میں سے کچھ فانوس اور لیمپ ہیں جو سونے چاندی کے بنے ہوئے ہیں اس کے علاوہ ان میں کچھ ایسے نوادرات ہیں جنھیں مختلف ادروا میں اسلامی ممالک کی جانب سے تحفتاً پیش کیا گیا ہے۔