لاکھوں لوگ بھوکے مرتے ہیں لیکن ۔۔ پاکستانی ایک سال میں کتنا کھانا ضائع کرتے ہیں؟ حقیقت جان کر آپ بھی افسوس میں پڑ جائیں گے

وزارت قومی غذائی تحفظ و تحقیق کی رپورٹ کے مطابق پاکستان میں سالانہ 4 ارب ڈالر کی خوراک ضائع ہوتی ہے۔ پاکستان دنیا کے 121 غریب ممالک میں سے 99 ویں نمبر پر آتا ہے۔ مگر اس غریب ملک میں بھی سالانہ 4 ارب روپے کا کھانا ضائع کیا جاتا ہے۔

پاکستانی عوام سالانہ 19.6 ملین ٹن خوراک ضائع کر دیتے ہیں، جو ملکی پیداوار کا تقریباً 26 فیصد ہے۔ ایک پاکستانی گھرانہ اوسطاً اپنی ماہانہ آمدن کا 50.8 فیصد خوراک پر خرچ کرنے پر مجبور ہے۔پاکستان کی 36.9 فیصد آبادی خوراک کے عدم تحفظ کا شکار ہے، مجموعی آبادی کا ساڑھے 20 فیصد جبکہ 5 سال سے کم عمر کے 18 فیصد بچوں کو شدید غذائی کمی کا سامنا ہے۔ جبکہ 5 برس سے کم عمر کے تقریباً 40 فیصد بچوں میں تو 29 فیصد تک وزن کی کمی ریکارڈ کی گئی ہے۔

ضائع ہونے والا کھانا کیا ہے؟

ضائع کیے جانے والے کھانے میں تیار شدہ کھانا یعنی بچا ہوا کھانا تقریباً 1 ارب کے برابر روپیوں کا ضائع کیا جاتا ہے جو عموماً شادی بیاہ و دیگر تقریبات کے علاوہ ریسٹورنٹس میں کھایا جانے والا کھانا ہوتا ہے۔ غیر تیار شدہ کھانے میں سبزیاں اور پھل ہیں جن کی سالانہ قیمت 3 ارب سے بھی زیادہ ہے، یعنی ہم غذائی اجناس اور تمام تر ضروری وٹامنز و منرلز اور معدنیات سے بھرپور قدرتی کھانے کو ضائع کردیتے ہیں یہی وجہ ہے کہ ملک میں کھانے کی پیداوار میں کمی اور غربت میں اضافہ مزید بڑھ رہا ہے۔

اسباب یا وجہ؟

کھانا ضائع ہونے کی وجہ صرف عام عوام نہیں بلکہ ہمارے ملک کے حکمران بھی ہیں جو زخیرہ اندوزوں کو منع نہیں کرتے اور اپنے مقصد کی خاطر مال ضائع کروا دیتے ہیں۔