پہلے اپنے گریبان میں بھی جھانک لو۔۔ فلک شبیر کی عاطف اسلم پر تنقید ! صارفین نے بھی شیشہ دکھا دیا، اصل کہانی کیا ہے؟

Falak Shabbir Criticized Atif Aslam Over NFAK Qawali

پاکستانی میوزک انڈسٹری کے معروف پاپ سنگر فلک شبیر، جو "روگ" جیسے وائرل گانے سے شہرت کی بلندیوں پر پہنچے، حال ہی میں خبروں کی زینت بنے۔

فلک شبیر نے انسٹاگرام پر ایک اسٹوری میں بغیر کسی نام لیے ایسی بات کہہ دی جس نے سوشل میڈیا پر طوفان برپا کر دیا۔ انہوں نے لکھا؛

خان صاحب کو اُن کی آخری آرام گاہ میں سکون کرنے دیں پلیز… اور کچھ نیا بنانے پر توجہ دیں!

یہ بات سنتے ہی مداحوں کو فوراً خیال آیا کہ نشانہ شاید عاطف اسلم پر ہے، جنہوں نے حال ہی میں لیجنڈری قوال نصرت فتح علی خان کی مشہور قوالی کو نئے انداز میں پیش کیا۔ سوشل میڈیا پر اس بیان پر ردعمل ملا جلا ہے— کچھ لوگ فلک شبیر کی تعریف کر رہے ہیں کہ کم از کم کسی نے کھل کر اصل اور نقل میں فرق کی بات کی، تو کچھ نے ان پر "جیلیسی" کا الزام لگا دیا۔

عاطف اسلم کے مداح کہتے ہیں کہ وہ نصرت صاحب کے فن کو زندہ رکھ رہے ہیں، جبکہ فلک کے حامی سمجھتے ہیں کہ پرانے شاہکاروں کو بار بار چھیڑنے کے بجائے اب وقت ہے کہ فنکار کچھ نیا، اصلی اور تازہ پیش کریں۔

دوسری جانب، فلک شبیر خود بھی نئے پروجیکٹس میں مصروف ہیں اور حال ہی میں انہوں نے 'شیر' ڈرامے کے لیئے نیا گانا ریکارڈ کیا ہے، جس کا شائقین کو بے صبری سے انتظار ہے۔