کیا آپ الائچی کے صحت پر حیرت انگیز فوائد سے واقف ہیں؟ جانیں الائچی کے چند ایسے جادوئی فوائد اور استعمال جو کر دیں آپ کی کئی مشکلات آسان

چھوٹی الائچی یا سبز الائچی ہر گھر میں ہی موجود ہوتی ہے اور مختلف کھانوں میں اس کا استعمال کیا جاتا ہے لیکن اکثر لوگ اس کے فوائد اور مختلف استعمال سے ناواقف ہیں اور اسے صرف کھانوں میں خوشبو اور ذائقے کے لئے ہی استعمال کرتے ہیں۔
آج ہم آپ کو بتائیں گے اس چھوٹی سی سبز الائچی کے حیرت انگیز کمالات اور اس کے چند ایسے فوائد جنہیں اپنا کر آپ بھی اُٹھا سکیں گے اس سے بھرپور فائدہ۔

• الائچی میں موجود غذائیت

الائچی میں معدنیات، آئرن، اور مینگنیز وافر مقدار میں موجود ہوتی ہے جو کہ ہماری صحت کے لئے ضروری غذائی جُز ہیں اور ان کی ہمارے جسم کو بے حد ضرورت ہوتی ہے۔

• کینسر کے خلاف مفید

تحقیق کے مطابق الائچی میں ایسے مرکبات موجود ہوتے ہیں جو کینسر کے خلاف لڑنے میں ہماری مدد کر سکتے ہیں اور یہ کینسر کے جراثیم کی نشونما کو روکتے ہیں خاص طور پر الائچی کے استعمال سے پیٹ اور آنتوں کے کینسر میں فائدہ ہوتا ہے۔

سانس کی تکلیف دور کرنے کے لئے بہترین

الائچی ایکم خوشبو دار مصالحہ ہے اور اس کے استعمال سے سانس کی تکلیف دور ہوتی ہے اس سے پُرسکون طریقے سے سانس لینے میں مدد ملتی ہے، یہ نظامِ ہاضمہ کو بھی بہتر بناتی ہے اور اس کے استعمال سے قبض کی شکایت بھی دور ہوتی ہے۔

متلی اور اُلٹی دور کرنے میں مفید

سالوں سے الائچی کا استعمال متلی اور اُلٹی کی کیفیت کو دور کرنے میں کیا جاتا رہا ہے، اگر آپ کو اُلٹی یا متلی محسوس ہو تو آپ الائچی منہ میں رکھ لیں اور اس کا رس پی لیں اس سے آپ کو آرام آئے گا، خاص طور پر سرجری کے بعد خواتین کو ایسی کیفیت کا سامنا کرنا پڑتا ہے ایسے میں انہیں الائچی کا استعمال کرنا چاہیئے۔

منہ کی بُو دور کرنے کے لئے الائچی کا استعمال

اگر کھانا کھانے کے بعد الائچی کھا لی جائے تو اس سے منہ میں موجود بیکٹیریا اور جراثیم کا خاتمہ ہوتا ہے اور اس طرح مُنہ کی بدبو دور ہو جاتی ہے اس لئے کھانے کے بعد چھالیہ وغیرہ کے بجائے الائچی کا استعمال کرنا چاہیئے۔

کولیسٹرول کم کرنے کے لئے مفید

الائچی کے حیرت انگیز فوائد میں ایک یہ بھی شامل ہے کہ الائچی کے استعمال سے کولیسٹرول متوازن رہتا ہے اس میں غذائی ریشے کی وافر مقدار موجود ہوتی ہے جو خون میں موجود ہائی کولیسٹرول ختم کرنے میں مفید ثابت ہوتا ہے اس کے استعمال سے امراضِ قلب کا خطرہ بھی کم ہوتا ہے۔

By Sadia    |    In Health and Fitness   |    0 Comments    |    1471 Views    |    13 Jul 2021

Related Articles

Comments/Ask Question

Read Blog about کیا آپ الائچی کے صحت پر حیرت انگیز فوائد سے واقف ہیں؟ جانیں الائچی کے چند ایسے جادوئی فوائد اور استعمال جو کر دیں آپ کی کئی مشکلات آسان and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا آپ الائچی کے صحت پر حیرت انگیز فوائد سے واقف ہیں؟ جانیں الائچی کے چند ایسے جادوئی فوائد اور استعمال جو کر دیں آپ کی کئی مشکلات آسان) and how to utilize other natural ingredients to cure diseases, easy recipes, and other information related to food from KFoods.