شادی توڑنے میں جلدی نہ کریں، 10 سال انتظار کریں کیونکہ ۔۔ روبینہ اشرف اور قیصر نظامنی نے کامیاب ازواجی زندگی کا راز بتاتے ہوئے نوجوانوں کو کیا مشورہ دیا؟

شادی ایک اہم ذمہ داری ہے، مگر جب نوجوان شادی کے بندھن میں بندھتے ہیں تو وہ اس رشتے کے بارے میں تصور کرتے ہیں اور سوچتے ہیں کہ آگے کوئی پریوں کی کہانی ان کا انتظار کر رہی ہوگی، لیکن عام طور پر ایسا نہیں ہوتا ہے جس کی وجہ سے اصل مسئلے شروع ہوتے ہیں۔

حال ہی میں شوبز کے دو مشہور سینئیر اداکاروں نے ازواجی زندگی کے اس پہلو پر روشنی ڈالی ہے، جن میں سے ایک روبینہ اشرف جبکہ دوسرے قیصر نظامنی ہیں۔

روبینہ اشرف نے کامیاب شادی کے لیئے لڑکیوں کو مشورہ دیتے ہوئے کہا کہ، نئی شادی شدہ لڑکی کے لیے چار چیزیں سمجھنا بہت ضروری ہیں۔ اس کا گھر، اس کا سسرال، اس کا شوہر اور اس کے بچے اس کے اہم کام ہیں۔ اسکے علاوہ رشتہ توڑنے میں جلد بازی نہیں کرنی چاہیئے بلکہ پہلے دس سالوں میں لڑکیوں کو اپنی شادیوں میں سرمایہ کاری کرنے کی ضرورت ہے۔ اگر وہ اس میں صحیح طور پر سرمایہ کاری کریں تو یقیناً اس کا پھل ملنا شروع ہو جائے گا۔

جبکہ اس موضوع پر قیصر نظامنی کا کہنا تھا کہ، تین اہم چیزیں ہیں جو شادی کو دیرپا بناتی ہیں۔ جیسے کہ نئے رشتے میں ایک دوسرے کو تھوڑا اسپیس (جگہ) دیں، مالی طورپر مستحکم ہونا کسی بھی رشتے میں بہت ضروری ہے، اور آخر میں آپ رشتے میں لکیریں کھینچنیں، کچھ حدود جو کبھی پار نہیں ہونی چاہئیں۔

انہوں نے کہا کہ، اگر آپ کی شریک حیات کوئی ایسا کام کرنا پسند کرتی ہے جو آپ نہیں کرنا چاہتے تو انہیں صرف اپنے شوق کو آگے بڑھانے کی آزادی دینا بھی رشتے کو مضبوط کرتا ہے۔ یہ تمام چیزیں دیرپا تعلقات کے لیے ضروری ہیں۔