کسی نے لگائی مہندی تو کہیں بچھڑے ہوئے پھر مل گئے.. مشہور شخصیات نے عید کیسے منائی؟ دیکھیں دلچسپ تصاویر

عید ہر خاص و عام کے لئے سال کا اہم ترین موقع ہوتا ہے. مشہور شخصیات بھی اس دن دل کھول کر تیاری کرتی ہیں۔ اس برس بھی کچھ ایسا ہی ہوا۔ اس آرٹیکل میں ہم آپ کو مشہور شخصیات کی عید کی خاص الخاص تیاریوں کی تصویری جھلکیاں دکھائیں گے۔

سب سے زیادہ خوشی اس وقت عروہ اور فرحان کے مداحوں کو ہے جن کی علیحدگی کی خبریں سوشل میڈیا پر پھیل رہی تھیں۔ یہاں تک کہ مختلف مواقع پر عروہ اور فرحان دبے لفظوں میں خود بھی ذاتی اختلافات پر بات کی لیکن اس بار ان کی عید کی ایک ساتھ تصاویر دیکھ کر لگتا ہے دونوں ایک بار پھر ساتھ ہیں۔ دوسری جانب عروہ کی بہن اور اداکارہ ماورا نے بھی عید پر خوبصورت پیلے رنگ کا لباس پہنا اور ہاتھوں پر مہندی بھی لگائی

چاند رات پر فلک شبیر نے بیٹی کے مہندی لگے ہاتھوں کی تصویر شئیر کی جبکہ عید پر فلک سفید شلوار قمیض اور سارہ سفید اور سیاہ امتزاج کی سادہ مگر دیدہ زیب ساڑھی پہنے نظر آئیں۔ ان کی ننھی منی بیٹی نے بھی والدین سے میچ کرتا سیاہ جوڑا پہنا۔

سائرہ یوسف نیلے رنگ کے لباس میں بیٹی کے ساتھ عید مناتے نظر آئیں جبکہ ان کی بیٹی نورے دوسری تصویر میں اپنی دوسری والدہ اور بہن کے ساتھ بھی عید مناتی نظر آئیں۔