روزے میں سر درد کی شکایت آپ کو بھی ہوتی ہے؟ آج جانیں اس کو ختم کرنے کا زبیدہ آپا کا بتایا ہوا آزمودہ ٹوٹکہ

مائیگرین کا درد اکثر لوگوں کو روزے میں بہت پریشان کرتا ہے، اسے ہم درد شقیقہ بھی کہتے ہیں۔ یہ سردرد کی سب سے خطرناک قسم ہے۔ یہ درد سر کے دائیں یا بائیں کسی جانب بھی ہو سکتا ہے، اس درد کے دوران متلی ہونا، شور، اونچی آوازوں اور روشنی سے مزید بڑھنے لگتا ہے، درد شقیقہ کا مریض روشنی کے بنسبت خود کو اندھیرے میں پر سکون محسوس کرتا ہے۔

روزے میں چونکہ آپ سارا دن کچھ کھا پی نہیں سکتے اس لئے یہ درد ہو جائے تو کسی قسم کی کوئی گولی یا پین کلر کا استعمال تو نہیں کر سکتے ہیں مگر کچھ گھریلو ٹوٹکے ایسے ہیں جو آپ کو سر درد کی شکایت سے بچا سکتے ہیں۔

آج کے-فوڈز میں جانیئے زبیدہ آپا کے بتائے ہوئے کچھ ایسے ٹوٹکے جو روزے میں آپ کو سر درد سے بچا سکتے ہیں:

زبیدہ آپا کا ٹوٹکہ:

٭ پنڈلیوں اور پیروں پر کسی بھی تیل سے مالش کریں، اگر آپ کے پاس پودینے کا تیل ہے تو اس کی مالش ضرور کریں یہ سب سے زیادہ اچھا اور فائدے مند طریقہ ہے۔

٭ کوشش کریں کہ سیدھا لیٹ جائیں اور اپنی نگاہیں اوپر کی جانب کریں، 4 منٹ کے بعد دائیں اور پھر بائیں جانب دیکھیں، اسطرح سے آپ کے دماغ کے موہروں کو بھی حرکت ملے گی اور سردرد بھی کنٹرول میں آ جائے گا۔

٭ آئس کیوب کو پیشانی پر رکھ لیں، اور آنکھیں بند کرکے لیٹ جائیں، جوں جوں برف پگھلے گی آپ کو سکون محسوس ہوگا۔

٭ لوکی کو چھیل کر اس کا ایک انچ کا ٹکڑا مٹھی میں رکھ لیں، اور کچھ دیر چہل قدمی کرلیں، یہ آپ کے لئے بہت مناسب ہے روزے میں نہ تو سر درد ہوگا اور نہ ہی آپ کمزوری محسوس کریں گے۔

By Humaira    |    In Health and Fitness   |    0 Comments    |    3819 Views    |    19 Apr 2021

Comments/Ask Question

Read Blog about روزے میں سر درد کی شکایت آپ کو بھی ہوتی ہے؟ آج جانیں اس کو ختم کرنے کا زبیدہ آپا کا بتایا ہوا آزمودہ ٹوٹکہ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (روزے میں سر درد کی شکایت آپ کو بھی ہوتی ہے؟ آج جانیں اس کو ختم کرنے کا زبیدہ آپا کا بتایا ہوا آزمودہ ٹوٹکہ) and how to utilize other natural ingredients to cure diseases, easy recipes, and other information related to food from KFoods.