کیا آپ جانتے ہیں کہ دو کھجور روز نہار منہ کھانا جسم میں کیا تبدیلی لاتا ہے

کھجور کی افادیت سے کون واقف نہیں یہ ایک مکمل غذا ہے اس وہ تمام صحت بخش غذائی اجزاء پائے جاتے ہیں جو جسم کو تندرست رکھنے کے لئے اہم تصور کئے جاتے ہیں۔اگر صرف دو کھجور روز نہار منہ یا دن کے آغاز میں لینے کو اپنا معمول بناتے ہیں تو یقین کریں صرف ایک ہفتے میں آپ اپنے کئی جسمانی مسائل سے نجات حاسل کر لیں گے۔دو کھجور روز کھانا آپ کے جسم میں حیرت انگیز تبدیلیاں لاتا ہے آیئے جانتے ہیں۔

توانائی بڑھاتی ہیں

اگر آپ چاہتے ہیں جو توانائی صبح بیدار ہوتے وقت آپ میں موجود ہوتی ہے وہ سارا دن اسی طرح قائم رہے اور آپ تھکے بغیر اپنے کام نمٹاتے رہیں تو دوکھجور کھانا اپنی عادت بنا لیں اس طرح آپ صبح سے رات تک چاک و چوبند رہیں گے۔ کیونکہ اس میں توانائی بڑھانے والے اجزاء یعنی گلوکوز،سکروزاور فرکٹوزپائے جاتے ہیں جو فوری توانائی بہال کرتے ہیں۔

کولیسٹرول کو اعتدال میں رکھتی ہیں

اگر چہ یہ کھانے میں میٹھی لیکن چکنائی اور کو لیسٹرول سے پاک ہو تی ہیں اسی لئے کولیسٹرول کو بڑھنے سے بچاتی ہیں جودل کے امراض کا بھی سبب بنتا ہے صرف دو کھجور کھانا نہ صرف وزن کم کرتا ہے بلکہ آپ کی جسمانی ساخت اور خدوخال کو بھی بہتر کرتا ہے۔

نظام انہضام کو بہتر بناتی ہیں

فائبر سے بھر پور ہونے کی بنا پر ہاضمہ کو بہتر بناتی ہے اگر آپ قبض کا شکار ہیں تو یہ دو کھجور آپ کے لئے سب سے بڑی نعمت ثابت ہوں گی۔بہتر نتائج کے لئے رات میں دو کھجور پانی میں بھگو دیں اور صبح کھالیں۔

بلڈ پریشر کنٹرول میں رکھتی ہیں

کھانے میں موجود سوڈیم یعنی نمک کی وجہ سے بلڈ پریشر بڑھنے کی شکایت عام ہے لیکن کھجور کا شماران غذاؤں میں نہیں ہوتا جن میں سوڈیم ہو،اس میں پوٹاشییم پایا جاتا جو نمک کے اخراج میں مدد کرتا ہے اور اس طرح دو کھجور روز کھانا آپ کے بلڈ پریشر کو نارمل رکھے گا۔

بینائی بہتر بناتی ہیں

موبائل،لیپ ٹاپ اسکرین دیکھنے اورپڑھائی کی وجہ سے لوگوں کی بینائی کافی کمزور ہوتی جارہی ہے کھجور میں موجود وٹا من اے بینائی کو بہتر بنانے میں اہم کردار ادا کرتاہے۔اس کا روز استعمال بینائی کو تیز کرتا ہے۔

ہڈیاں کو مضبوط بناتی ہے

اس میں ہڈیوں کو مضبوط بنانے والے تمام اجزاء پائے جاتے ہیں جیسے کیلشیم،فاسفورس،پوٹاشییم اورمیگنیشییم جو بڑھتی عمر میں ہونے والی بیماری جیسے اوسٹیوپروسس سے بچانے میں معاونت کرتے ہیں۔اگر ہڈیاں مضبوط بنانا چاہتے ہی تو صرف دو کھجور روزانہ کھائیں۔

خون کی کمی (انیمیا) سے نجات دلاتی ہے

اس میں شامل کئی اہم وٹامنز اور منرلز جو اینٹی آکسیڈینٹ کی طرح کام کرتے ہیں جسم کو فری ریڈیکل سے محفوظ رکھ کر کئی طرح کی بیماریوں سے بچاتے ہیں اور اس میں موجود آئرن خون کی کمی کو دور کر کے ہیموگلوبین کی سطح کو بڑھاتا ہے۔

دماغی کو صحت مند رکھتی ہے

صبح بیدار ہوتے وقت اگر کھجور کھائی جائے تو یہ آپ کے دماغ کی توجہ کو بڑھاتی ہے کیو نکہ اس میں اینٹی آکسیڈینٹ کی وافر مقدار پائی جاتی ہے جو دماغ کے افعال کا رکردگی کو بہتر بناتی ہیں۔

جلد کی شادابی بڑھاتی ہے

دو کھجور روز کھانے سے جہاں دیگر فوائد حاصل کئے جاسکتے وہیں یہ جلد کو بھی رونق بخشتی ہے اس میں موجود وٹامن سی جلد کی لچک بڑھاتی ہے اور جبکہ وٹامن ڈی جلد کو ہموار کرتی ہے۔اس میں شامل میلانن عمر رسیدگی کے اثرات کو کم کرتے ہیں یوں جلد جھریوں سے پاک جواں رہتی ہے۔