کیا شادی فلاپ شو ہے؟ محبت کی شادیوں کا انجام طلاق کی صورت! ریشم نے چبھتا ہوا سوال کرڈالا

"محبت کی انتہا اور پھر شادی اور پھر بیزاری اور دوریوں کا کھولتا ہوا سمندر، کیا شادی آج کے دور میں ایک فلاپ شو ہے؟ کیا کہیں گے آپ؟"

یہ چبھتا ہوا سوال پوچھا ہے نامور اداکارہ ریشم نے جنھوں نے خود بھی شادی نہیں کی اور گزشتہ دنوں انھوں نے ایک انٹرویو کے دوران یہ بھی کہا کہ وہ شادی اس لیے نہیں کرنا چاہتیں کیوں کہ وہ پاگل نہیں ہونا چاہتیں.

دیکھا جائے تو ریشم کا یہ سوال کچھ اتنا غیر متوقع بھی نہیں اور آج ہر شادی شدہ جوڑا کسی نہ کسی حوالے سے مسائل کا شکار نظر آتا ہے. حال ہی میں مشہور شخصیات کی محبت بھری شادیوں کا انجام طلاق کی صورت میں دیکھنے کے بعد نئی نسل کا یقین بھی دیرپا رشتوں سے اٹھتا جارہا ہے. طلاق سجل علی اور احد کی ہو یا ثانیہ اور شعیب یا پھر عمیر جسوال اور ثنا کی، سب نے ہی سوشل میڈیا پر عوام کی توجہ اپنی طرف مبذول کروائی اور مداحوں کے دل توڑ دیے.

شادی صرف نرد عورت کا تعلق نہیں بلکہ ایک رشتہ ہے جو خاندان کی بنیاد ہے. اس خاندان میں جتنے افراد شامل ہوتے ہیں شادی ٹوٹنے کے عمل سے بھی وہ سارے متاثر ہوتے ہیں. اس لیے رشتے کو رشتے کی طرح نبھانے کا جذبہ رکھنا چاہیے.