دھوپ سے خراب رنگ ہو یا چہرے پر داغ دھبے۔۔ اب گندم کے آٹے سے کریں رنگ گورا، وہ بھی آسان طریقے سے

گرمیوں میں جو سب سے زیادہ چہرے کو نقصان پہنچاتی ہے وہ ہے سورج کی شعاعیں، اس سے تیزی سے رنگ خراب ہونے کے علاوہ جلد بھی بری طرح متاثر ہوتی ہے۔ اسی لیئے آج ہم آپ کیلیئے لائے ہیں کچھ آسان سے فیس ماسک، جو آپ باآسانی گھر میں بنا سکتی ہیں۔

بنیادی طور پر ان فیس ماسک میں جو چیز استعمال ہوگی وہ ہے گندم کا آٹا۔ تو آئیے بتاتے ہیں آپ کو قدرتی طور پر آٹے سے رنگ صاف کرنے کی کچھ ٹپس۔

بیوٹی ٹپ نمبر 1:

ایک پیالے میں 4 چمچ گندم کا آٹا لیں اور اس میں کچھ قطرے عرقِ گلاب، کچے دودھ اور شہد کے شامل کر کے ماسک بنالیں، اب اسے 10 منٹ تک چہرے پر لگا رہنے دیں اور پھر منہ دھو لیں۔

بیوٹی ٹپ نمبر 2:

ایک پیالے میں 3 چمچ گندم کا آٹا لیں اور اس میں ٹماٹر کا گودا ڈال کر پیسٹ بنا لیں، اب اس ماسک کو چہرے پر لگائیں اور 10 منٹ بعد منہ دھو لیں، اس سے ٹیننگ دور ہوجائے گی۔

بیوٹی ٹپ نمبر 3:

ایک پیالے میں 1 چمچ گندم کا آٹا، 1 چمچ دہی اور 1 چمچ شہد ڈال کر اچھے سے مکس کریں، پھر اس ماسک کو چہرے پر لگائیں اور 10 منٹ بعد منہ دھو لیں۔ اس سے آپ کا چہرہ قدرتی طور پر صاف و شفاف ہوجائے گا۔

بیوٹی ٹپ نمبر 4:

ایک پیالے میں 1 چمچ گندم کا آٹا لیں اور اس میں لیموں کا رس شامل کر کے ماسک بنا لیں، پھر اس کو چہرے پر لگائیں اور 10 منٹ بعد منہ دھو لیں۔ یہ چہرے کے داغ دھبوں کو دور کرنے میں مدد کرے گا۔